Looma 6:23 - Musamu wu Mubwe

²³ Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Looma 6:23 ပူးပေါင်းရင်းမြစ်များ

Yowani 10:28

Me ndi mu unzyeholo mo monyi wu bilima na bilima: mo a muukwa ve. A hu li na muutu wu utwala upatula mo ŋa kaka la me ve.

Yowani 17:2

We aviidi nde lituma ŋa yulu a baatu boosi, mana nde ava monyi wu bilima na bilima huli boosi ba we ava nde.

Yowani 3:36

Muutu wu ubaasiila Mwana a Nzambi imiinu, li na monyi wu bilima na bilima. Ka wu uveleyuhala Mwana a Nzambi, a hubaha monyi mo ve. Na kesi a Nzambi sa yiba ŋa yulu a nde.»

Yowani 4:14

Ka muutu wu unywa mamba ma me upa nde, a hubwebaha peyu ve. Mamba ma me upa nde, sa makituha mutswe a nzali mu nde. Ni mutswe a nzali wu ukaapalisa mamba na mifudi, te mu monyi wu bilima na bilima.»

Yowani 4:36

Wu li mu ukuukaha muhunu ubaabaha pfuta a nde, na nde ubaakoolo mbutu, ni baatu ba buubaha monyi wu bilima na bilima. Buuna, wu li mu ukuna na wu li mu ukuukaha, bali mu kinya bo baboole.

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Yowani 6:27

A lisala mu toni a byudya bi bibaabungana ve. Ka salaani mu toni a byudya bi bibaava baatu monyi wu bilima na bilima. Ni byudya bi Mwana a Muutu huva benu, mu toni ati Taata Nzambi amiikuma nde iliimbu, mu umwese ti nde amiisilasa lituma la nde.»

Yowani 6:40

Eye, litondo la Taata a me ni liniili: woosi wu umono Mwana a nde, na usiila nde imiinu, ubaha monyi wu bilima na bilima. Na me utsuula nde mu ilumbu hya tsyelele.»

Yowani 6:68

Simoni Peetelo ni ufutala nde: «Pfumu, bisu ka huli na luuyene? We ni nga mambu ma mubaava monyi wu bilima na bilima.

Looma 1:32

Bo bayaabi we bu hwafwana, mukele butsiitsa wa Nzambi. Baatu ba bubaasalila buuna, baahwama na lipfu. Ka bo bali mu usupaha ubaavanga ma pila moyiina, na titswene, bo bali mu usilasa kaka bavangi ba mamabi.

Looma 2:7

Nzambi uva monyi wu bilima na bilima huli ba bali na mukonono wu ubaavanga mambu mamabwe. Bo bali mu usaha muyusu, likiinzu na idiingu hi hyuvelekwa.

Looma 5:12

Ni mu buuna, lisumu laakoti mu tsi mu toni a muutu mumosi, na lo laabehi lipfu. Ni bumosi kaka, lipfu laakotilili baatu boosi, mu toni ati boosi baasumihi.

Looma 5:17

Mu mbuli, lipfu laamwesi matwala ma lo mu lisumu la muutu mumosi. Ka mu Yisu Kristo siha, bisu laamiiyaka bibilahi: boosi ba bali mu uyaka hyese hi hyafulala hya Nzambi, na bungodu bu butsiitsa bwa nde, buuba monyi na buuba batumi na Yisu Kristo.

Looma 5:21

We bu lisumu laamwesi matwala mu uduba baatu, ni bumosi kaka, hyese hya Nzambi hyumwese matwala ma hyo mu butsiitsa, mu ubita baatu hu monyi wu bilima na bilima mu Yisu Kristo Pfumu a bisu.

Looma 6:16

Benu liyaabi lo bubwe: tso benu lisalili muutu na usiingala nde we baviha, benu lika baviha ba pfumu wu benu lili mu usiingala. Tso hwaba lisumu li libaabita hu lipfu, buve lisiingala li libaabita hu monyi wu butsitsa.

Looma 6:21

Ka benu ki kaluha laabahi mu tangu moyiina? Mavanga ma benu lili na tsonyi mu mo loloyi. Mavanga momaana, tsukusu a mo ni lipfu.

Looma 8:13

Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi.

Looma 8:38

Eye, me ndi na tadi ti, a hu li na dyambu tso limosi, li luutwala utahula bisu na litondo la nde ve: tso lipfu, tso monyi, tso bapofi, tso bipfumu, tso tangu a loloyi, tso tangu yi yili mu uya, tso matwala ma pila mu pila,

Looma 8:39

tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

Looma 8:6

Manzala ma musunya mubaabita hu lipfu. Ka usalila manzala ma Livupu, hubaava monyi na hyenze.

Ngalaatiya 3:10

Ka babali mu usingama mu Mikele mya Moose, baamikoto mu tsingili, we bu baasonehe bunuubu: «Aba wu baasinga, woosi wu avelehwada mu usalila moosi ma baasonehe mutso muhanda Mikele.»

Tiite 1:2

Me ndi mu unzabisa bo imbuli, mana bo baba na hiitu hi ubaha monyi wu bilima na bilima wu li mu Nzambi. Monyi mowuna, Nzambi wu ubaavelepfuta, asiidi bisu lahi umata pangili a tsi.

Yaki 1:15

Titswene, ŋa linyungi limiiyele, lo libaabuta lisumu. Na lisumu liyele, libaabuta lipfu.

1 Yowani 2:25

Mu mbuli, monyi wu bilima na bilima, ni lahi li Kristo asiidi bisu.