Looma 6:16 - Musamu wu Mubwe

¹⁶ Benu liyaabi lo bubwe: tso benu lisalili muutu na usiingala nde we baviha, benu lika baviha ba pfumu wu benu lili mu usiingala. Tso hwaba lisumu li libaabita hu lipfu, buve lisiingala li libaabita hu monyi wu butsitsa.

Looma 6:16 ပူးပေါင်းရင်းမြစ်များ

Yowani 8:34

Yisu afutili bo: «Mu mbuli mu mbuli me ndi mu undeele benu, pasi muutu wu usumaha, nde li muviha lisumu.

Looma 11:2

Nzambi a hanyasula baatu ba nde hamiitswamina uyaaba ve. Yibwalaani monyi mu ma baasonehe ma Ngidi, ma mali mu ngu musamu wu mumbihuli Eliya ali mu unyongele Isereli ŋa busu bwa Nzambi:

Looma 12:1

Baana ba ngu, mu toni ati Nzambi amiimwese bubwe bwa nde mu bisu, me ndi mu upondo huli benu, mu uyeholo nde nyutu a benu we bungondu bwa monyi, bwa ngidi, bu Nzambi husilasa. Buuna, benu sa liyusa Nzambi we bu hwafwana.

Looma 6:17

Ka lifutalaani matondo huli Nzambi! Benu ba laabeedi hu tsikulu baviha ba masumu, bunuubu benu limiisiingala mu mutima woosi Mikele mya ndongisili yi benu laayaki.

2 Peetelo 2:19

Milongisi mi mapfuta mominimi, mili mu usa lahi huli baatu mobaana ti bo sa baba bunyanga bwosi. Ka bo mwakulu bali baviha ba mapeyu ma mali mu ubita hu lipfu. Mu toni ati, pasi muutu li muviha a hi hili mu utuma idiingu hya nde.