Looma 6:14 - Musamu wu Mubwe

¹⁴ Buuna, lisumu a lubweba na matwala mu benu ve. Mu toni ati, benu a lili hutso lituma li Mikele ve, ka hutso a hyese hya Nzambi.

Looma 6:14 ပူးပေါင်းရင်းမြစ်များ

Yowani 1:14

Mukuma akituhi musunya na nde atsahili ŋa hati la bisu, wu aluula mu hyese na imbuli. Bisu laakengisi muyusu a nde, muyusu wu Mwana wu livingu ali mu uyaka huli Taata a nde.

Yowani 1:17

Ni mbuli, Nzambi asalili Moose mu uva bisu Mikele. Ka ni mu Yisu Kristo, Nzambi habehili bisu hyese na imbuli bya nde.

Yowani 8:36

Ka tso Mwana viidi benu bunyanga, benu sa liba bunyanga bwa mbuli a mbuli.

Looma 11:6

Nde hasoolo bo mu hyese hya nde, ka a mu toni mavanga ma bo ve. Tso a buuna ve, hyese hya Nzambi a hisaali hyese ve.

Looma 4:16

Ni mu buuna, basiidi lahi mu nzila yi imiinu, mana hyo hiba hyese hi Nzambi ubaava, na basilasa hyo huli imbisa hya Abrahami hyosi. Lahi a lili mu utala ndulu ba bubaasiingala Mikele ve, ka napa boosi ba bubaasa imiinu we bu Abrahami hasiidi imiinu. Abrahami ni taata a bisu boosi,

Looma 5:17

Mu mbuli, lipfu laamwesi matwala ma lo mu lisumu la muutu mumosi. Ka mu Yisu Kristo siha, bisu laamiiyaka bibilahi: boosi ba bali mu uyaka hyese hi hyafulala hya Nzambi, na bungodu bu butsiitsa bwa nde, buuba monyi na buuba batumi na Yisu Kristo.

Looma 5:18

Ni ŋaana, lisumu la muutu mumosi, Adami, laabiti baatu boosi mu kondaayi. Ni bumosi kaka, vanga la tsiitsa limosi la Yisu Kristo, luubita baatu boosi mu uba bunyanga na uva bo monyi.

Looma 6:12

Ni mu buuna, masumu utwala ubwetuma nyutu a benu yi yukwa ve, mu ubwesiingala linyungi la yo.

Looma 6:15

Ka buni? Bisu a benu ni libaasumahani mu toni ati a lisaali hutso Mikele ve, ka hutso a hyese hya Nzambi? Naana ubila ve!

Looma 8:12

Ni mu buuna baana ba ngu, bisu a benu lili na mukanu. Ka a hali mukanu manzala ma linyutu mu udyata mu imuutu ve.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Ngalaatiya 3:23

Tswamina imiinu mu uya, bisu laabedi hutsina Mikele, baakatihala, mu ubaakeele tangu yi Nzambi hubangula bisu imiinu.

Ngalaatiya 4:21

Leelaani ati me, benu ba litondi uba hutsina lituma li Mikele, benu a lili mu uyuha ma Mikele mili mu uleele ve?

Ngalaatiya 5:18

Ka tso Livupu lili mu ubita benu, benu a lili hutso a tumili Mikele ve.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.