Looma 6:13 - Musamu wu Mubwe

¹³ A liyeholo linyutu la benu mu masumu we bilwanili bi uvanga mamabi ve. Ka yeholwaani nyutu a benu mwakulu huli Nzambi, we baatu ba monyi ba bamiimata hutso lipfu. Na yeholwaani linyutu la benu loosi mu isalu hya Nzambi, we ilwanili hi uvanga mambu ma butsitsa.

Looma 6:13 ပူးပေါင်းရင်းမြစ်များ

Luuka 15:24

Mu toni ati mwana a me wu beedi amiikwa, miisuuha; nde beedi amiidimbala, miisoloho.” Na bo baabandihi mukungi.

Luuka 15:32

Hufwani huli bisu mu uvanga mukungi, na uba mu kinya mu toni ati, muhehe a we wu beedi amiikwa, nde miisuha. Nde beedi amiidimbala, nde miisoloho.”»

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Looma 1:29

Bo baamiiluula mu vele li butsiitsa bwa pila mu pila, mu bubi, linyungi, bukanyi; bo baaluula mu nyengi, mu ndubili a baatu, mu midiingu, mu ubaavahula bana, mu mitsotso, mu dyele, mu mavanga ma tsumihili. Bo bubaakusa bana mu upfuta.

Looma 12:1

Baana ba ngu, mu toni ati Nzambi amiimwese bubwe bwa nde mu bisu, me ndi mu upondo huli benu, mu uyeholo nde nyutu a benu we bungondu bwa monyi, bwa ngidi, bu Nzambi husilasa. Buuna, benu sa liyusa Nzambi we bu hwafwana.

Looma 6:11

Ni bumosi kaka mu benu, yabaani ti, benu lili baatu babaakwa mu masumu. Na ti, benu lili kaka monyi mu Nzambi itwadi na Yisu Kristo.

Looma 6:16

Benu liyaabi lo bubwe: tso benu lisalili muutu na usiingala nde we baviha, benu lika baviha ba pfumu wu benu lili mu usiingala. Tso hwaba lisumu li libaabita hu lipfu, buve lisiingala li libaabita hu monyi wu butsitsa.

Looma 6:19

Me ndi mu unzambila mu imuutu, mana benu litsikaha ma me ndi ndeele. Ni bumosi kaka, benu layehuli binama bya benu mu buviha bu manzala ma bubembo, na bubi bu buli mu ubita muutu mu utuumbaha ŋa busu bwa Nzambi. Ni bumosi kaka, bunuubu,vaani linyutu la benu loosi mu buviha bu mavanga ma butsitsa, mu uba mu idiingu hi bungidi.

Looma 7:23

Ka me ndi mu umono hutso linyutu la me, tumili kima yi yibaalwanisa tumili yi buyedi bwa me bubaasilasa. Yo yili mu ukitusa me kondaayi mukele lisumu wu li mu me.

Looma 7:5

Eye, ŋa bisu laaba hutso lituma li imuutu, manzaala ma mabi ma Mikele myakatuma, maakabaasala mutso linyutu la bisu loosi, mana bisu lisala bisalu bi byubita bisu hu lipfu.

Filiipo 1:20

Li me ndi mu ukeele na usa hiitu mu lo ni ti, me a handi na tsonyi mu pasi dyambu ve. Li me ndi mu utondo loloyi, we mu pasi tangu na hiitu hyosi ni ti, Kristo uyaka muyusu mu nyutu a me. Me tso amba monyi, me tso akwa.

2 Tesalonika 2:12

Ni mu buuna, baatu boosi ba baavelisa hiitu mu imbuli, ka baamoni kinya na baakangimi mu mavanga mamabi, sa batsundasa bo.

2 Timoteho 2:15

Hwada mu uba wu asungama ŋa busu bwa Nzambi. Ba we musalili wu uli mu usa isalu hya nde na lisunga, hwavele a tsonyi. Tosele mambu ma mbuli huli baatu, we bu hwafwana.

Yaki 4:1

Midingu na iboho bya benu, huni bili mu umata? Byo bili mu umata mu manzala ma benu ma nyinga, ma mali mu ulwana pasi tangu, mutso mitima mya benu.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»

1 Peetelo 4:2

Mu tangu yi yimiisaala benu ŋa toto, a hwafwana ti benu libaadyata we bu huli mapeyu ma musunya ve, ka dyataani we bu huli litondo la Nzambi.

1 Yowani 1:9

Ka tso bisu lili mu usiinga masumu ma bisu ŋa busu bwa Nzambi, bisu laasuusa hiitu hya bisu mu nde, mu toni ati nde li wu akuha, mu unyahula masumu ma bisu na utsyemese bisu mu mamabi moosi.