Looma 6:12 - Musamu wu Mubwe

¹² Ni mu buuna, masumu utwala ubwetuma nyutu a benu yi yukwa ve, mu ubwesiingala linyungi la yo.

Looma 6:12 ပူးပေါင်းရင်းမြစ်များ

Looma 13:14

Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.

Looma 2:8

Ka Nzambi umwese kesi na ifwefwe hya nde, huli boosi ba bubaatunala nde na ba bubaasiila nde kene. Mbiili moyiina, yibaatelemene imbuli na yibaasingasala mavanga mamabi.

Looma 5:21

We bu lisumu laamwesi matwala mu uduba baatu, ni bumosi kaka, hyese hya Nzambi hyumwese matwala ma hyo mu butsiitsa, mu ubita baatu hu monyi wu bilima na bilima mu Yisu Kristo Pfumu a bisu.

Looma 6:14

Buuna, lisumu a lubweba na matwala mu benu ve. Mu toni ati, benu a lili hutso lituma li Mikele ve, ka hutso a hyese hya Nzambi.

Looma 6:16

Benu liyaabi lo bubwe: tso benu lisalili muutu na usiingala nde we baviha, benu lika baviha ba pfumu wu benu lili mu usiingala. Tso hwaba lisumu li libaabita hu lipfu, buve lisiingala li libaabita hu monyi wu butsitsa.

Looma 8:11

Tso Livupu la Nzambi, wuuna wu asuula Yisu ŋa hati la babakwa lili mu benu, Nzambi wuuna wu asuula Kristo ŋa hati la babakwa, sa ava kaka monyi huli nyutu a benu yi yukwa mu Livupu la nde li lili mu benu.

Looma 8:13

Mu toni ati, tso benu lidyati mu manzala ma benu ma imuutu, benu sa likwa. Ka mu likumbasa li Livupu la Ngidi, tso benu lidubi mavanga mamabi ma benu libaasa mu nyutu a benu, benu sa liba monyi.

Ngalaatiya 5:16

Ni mu buuna, me ndi mu undeele bu: Nyahani Livupu libaatuma idiingu hya benu. Tso lisidi buuna, benu alubwesingala tso hole, lituma li mapeyu ma musunya ve.

Ngalaatiya 5:24

Ka boosi ba bali mu Yisu Kristo baamiiduba linyutu la bo li masumu, na mapeyu na manzala ma lo.

1 Tesalonika 4:5

A lisiinga ubwa mu mapeyu ma mavele lisuunga ve, we bu hubaasa bangoyi, ba baveleyaba Nzambi.

2 Timoteho 2:22

Bata mapeyu ma bufudu. Duukala mbiili yi butsiitsa, yi imiinu, yi litondo, ya hyenze, yi itwadi na boosi ba bubaasambila Pfumu mu mutima wu atsyeme.

Tiite 2:12

Liyobolo mo lili mu ulongese bisu mu uveletahuha na Nzambi, na ubisa linyungi. Bisu livanga buuna mu tangu moyiniyi, bisu luuba na idingu hya tsiki, hya tsitsa na hi likinzu mu Nzambi.

Tiite 3:3

Mu tonyi ati, bisu ka hu mbandu, laaba biyahudi, banga kene ŋa busu bwa Nzambi na ba baadunga. Bisu aba baviha ba linyungi na makinya ma toto moosi. Idiingu hya bisu aba hutso bukanyi na linyungi. Bisu laakabelele bana na laakabelesene bisu mo na bisu mo.

1 Peetelo 1:14

Singalaani Nzambi bu benu lili baana ba nde. Na a likangama mu mapeyu mamabi ma benu laaba na mo tsikulu ve, ŋa benu laaba kini hutso budimbu.

1 Peetelo 2:11

Bambaahi ba me ba litondo, benu lili bapyohi-nzila na byenyi ŋa toto moyiniyi. Ni mu buuna, me ndi mu upondo benu dyambu limosi: siisaani mapeyu ma musunya. Mapeyu momaana mubaalwanisa idiingu hya benu.

Yude 1:16

Baatu mobaana a bubaaba na kinya ve, bo bali mu uŋono tangu yoosi mu idiingu hya bo. Bo bali mu udukala manzala ma linyungi la bo. Minywa mya bo mili mu upalisa mambu ma nyehe, ma usohese baatu mu ubaha kaluha.

Yude 1:18

Byo baayabisi benu: «Hu tsukusu a tangu, sa huba na bakwedi. Bo bukaakwede Nzambi na baatu ba nde. Na ba bukaadyata we bu huli matsimi mamabi, ma mu utahusa bo na Nzambi.»