Looma 6:11 - Musamu wu Mubwe

¹¹ Ni bumosi kaka mu benu, yabaani ti, benu lili baatu babaakwa mu masumu. Na ti, benu lili kaka monyi mu Nzambi itwadi na Yisu Kristo.

Looma 6:11 ပူးပေါင်းရင်းမြစ်များ

Yowani 20:31

Ka mambu ma baasonehe hutso libuuku, baasonehe mo mana benu lisa imiinu ti Yisu ni Kristo. Nde ni Mwana a Nzambi. Na bu benu luusa imiinu, benu luubaha monyi mu nduhi a nde.

Looma 16:27

Muyusu aba hu li Nzambi, wu li siha nga tsiki, mu Yisu Kristo, mu bilima na bilima! Ameni!

Looma 5:1

Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo.

Looma 6:10

Mu lipfu la nde, nde akwidi kwa limosi mu toni masumu ma baatu. Ka bunuubu, nde li monyi, na nde li monyi mu Nzambi.

Looma 6:13

A liyeholo linyutu la benu mu masumu we bilwanili bi uvanga mamabi ve. Ka yeholwaani nyutu a benu mwakulu huli Nzambi, we baatu ba monyi ba bamiimata hutso lipfu. Na yeholwaani linyutu la benu loosi mu isalu hya Nzambi, we ilwanili hi uvanga mambu ma butsitsa.

Looma 6:2

Naana ubila ve! Bisu ti laamiikwa mu masumu, ka buni lutwala ubweba monyi mu masumu?

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Looma 7:4

Ni bumosi kaka benu baana ba ngu a me, benu lamiikwa ŋa busu bu Mikele bu lili itwadi na nyutu a Kristo. Ka bunuubu benu laaka ba muutu mukima, nde wuuna wu asuuhi ŋa hati la babaakwa, mana bisu a benu libutaani mbutu yimbwe ŋa busu bwa Nzambi.

Looma 7:6

Ka bunuubu, bisu a benu lika bunyanga ŋa busu bu Mikele, mu toni ati, bisu lili we babaakwa ŋa busu bu Mikele mi myakakotese bisu mu buviha. Mana bisu lisalila Nzambi hutso lituma li linyatihi li Livupu. Ka a husaali hutso lituma la tsikulu li mikele mibaasonehe ve.

Looma 8:18

Me ndi mu utsima ti, utwala uyelemese mapasi ma tangu moyiniiyi na muyusu a hu busu, wu Nzambi humwese bisu pa yalala ve.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

Filiipo 4:7

Na hyenze hya Nzambi, hi hyalutala buyedi bwosi, hyukeelese mitima mya benu na matsimi ma benu mu Kristo Yisu.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»

1 Peetelo 2:5

Na benu mwakulu, we mamanya ma monyi, kuukamaani mu utuunga nzo Livupu. Kuukamaani mu uvanga kabu li banganga ba Nzambi ba nga lehemene, ba bu uba na isalu hi ubaayeholo bungodu bu Livupu. Bungodu mobuuna, Nzambi usiinga bwo, mu toni a Yisu Kristo.

1 Peetelo 4:11

Tso muutu li na bungodu bu utoyo, nde afwana uyabisa Mambu ma Nzambi. Tso muutu li na bungodu bu usalisa bambahi, nde afwana usalila bwo na mifudi mi Nzambi ubaava nde. Saani buuna mana mu moosi, Nzambi ayaka muyusu mu Yisu Kristo, mu nde huli na muyusu na matwala mu bilima na bilima. Ameni!