Looma 5:6 - Musamu wu Mubwe

⁶ Ni mu buuna, bu bisu laaba kini mifudi ve, Kristo akwidi mu toni a bisu banga masumu, mu tangu yi Nzambi hakese.

Looma 5:6 ပူးပေါင်းရင်းမြစ်များ

Looma 11:26

Ni buuna, buli li Isereli loosi luuyoboho, we bu ma Baasonehe ma Ngidi mali mu uleele: «Muyobili sa amata hu isyelo hya Syoni, nde umaasa bubi bu imbisa hya Yakobi.

Looma 4:25

Nzambi aviidi Yisu mu lipfu, mu toni masumu ma bisu. Na Nzambi asuuli nde, mana bisu liba ba baakuha.

Looma 4:5

Ka ŋa muutu wu avelesa isalu, ali na hiitu mu Nzambi wu ubaakitusa nga masumu wu akuha, Nzambi miisiinga ti nde wu akuha ali mu imiinu.

Looma 5:10

Bu bisu laaba baboho ba Nzambi, nde anongi na bisu mu lipfu la mwana a nde. Tandisini a buunubu bu bisu limiinongo na Nzambi, buni nde huvelefuhasa bisu mu monyi a mwana a nde?

Looma 5:7

Hu li pasi mu usiinga ukwa mu toni a muutu wu asungama! Peleve muutu utwala uba na ibahala, mu ukwa mu toni a muutu wu mubwe.

Looma 5:8

Ka mono buni Nzambi hamwesi bunene bu litondo la nde mu bisu: ŋa bisu laaba kini banga masumu, Kristo akwidi mu toni a bisu.

Looma 8:32

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

Looma 8:34

Ka na utwala usyembe bo? Muutu ve, mu toni ati Yisu Kristo miikwa, titswene nde miisuuha, nde li ŋa mbahala a Nzambi. Na nde li mu usambila mu bisu!

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 4:4

Bu tangu yi baakese yaatoodi, Nzambi atsindihi Mwana a nde: Wu mukaasu habuti, wu aba hutsina Mikele mi Bayudaayo.

1 Tesalonika 5:9

Nzambi a hateele bisu mu ubwana tsyembili a nde ve, ka mu ubaha liyobolo mu Pfumu a bisu Yisu Kristo.

1 Timoteho 1:9

Mu mbuli, bisu liyabi kaka ti, Nzambi a havanga Mikele mu baatu ba baakuha ve. Nde havanga kaka Mikele mu toni a ba baavele na lisingala, bangoyi, banga bukanyi, banga masumu, ba baavelekinza Nzambi, na bya ngidi. Nde havanga Mikele, mu toni a baatu ba bubaaduba bataata na bangu ba bo, napa mu badubi ba baatu.

Tiite 2:12

Liyobolo mo lili mu ulongese bisu mu uveletahuha na Nzambi, na ubisa linyungi. Bisu livanga buuna mu tangu moyiniyi, bisu luuba na idingu hya tsiki, hya tsitsa na hi likinzu mu Nzambi.

1 Peetelo 1:20

Nzambi asooli nde tswamina paangili a tsi, na mu libwe la benu, nde ayabisi benu Kristo mu tangu mo ya tsyelele yi.

2 Peetelo 3:7

Mu ma mali mu utala toto na mayulu ma loloyi, mambu ma nde mali ti, Nzambi amiikeelese byo, mana nde anyengese byo hu mbaahu, mu ilumbu hya tsundusu, hi boosi ba baavelekinza nde bu ukwa.

Yude 1:15

mu utsundasa baatu boosi. Pfumu sa asyembe banga masumu boosi mu tonyi mavanga mamabi. Pfumu sa asyembe bo, mu tonyi bituhi bi baatu mobaniba, ba baavele na buyumu baapalisi mu nde.»

Yude 1:18

Byo baayabisi benu: «Hu tsukusu a tangu, sa huba na bakwedi. Bo bukaakwede Nzambi na baatu ba nde. Na ba bukaadyata we bu huli matsimi mamabi, ma mu utahusa bo na Nzambi.»

Yude 1:4

Me ndi mu utsonehele benu, mu tonyi ati, ŋa hati la benu baatu bababi bakima, baamiiyakotelele benu mu tswehi. Bo bali baatu ba baavelekinza Nzambi a bisu, mu usobo bubwe bwa nde mu mbili a bo yi bumbembo. Na bo bali mu utunala ka Yisu Kristo, Mulongisi na Pfumu a bisu mumosi wu. Ka umata beleve, Libuuku la Ngidi laamiiyabisa tsyembili yi bo buyaka.