Looma 5:5 - Musamu wu Mubwe

⁵ Hiitu a hibaapfuta ve mu toni ati, Nzambi ayitili litondo la nde mutso mitima mya bisu, mu likumbasa li Livupu la Ngidi li nde haviidi bisu.

Looma 5:5 ပူးပေါင်းရင်းမြစ်များ

Mavanga 10:45

Banga a hiitu, babali Bayudaayo ba baayidi na Peetelo, baakimuhi bo boosi. Bo baakimuhi, mu umono ti bungodu bu Livupu la Ngidi, bwakapuhama kaka nate hu uli ba baavele Bayudaayo.

Mavanga 2:17

“Nzambi aleeli: mu bilumbu bya tsyelele, me unzitala Livupu la me ŋa yulu a pasi muutu. Baana ba benu ba bakasu na ba babahala bu ubihula mu nduhi a me, pfudu mbahala a benu bu umono bimono-miisu, na binunu bya benu bi ulooto mandosi.

Mavanga 2:33

Baasyenuli nde, mu uba ŋa mbahala a Nzambi. Na nde miiyaka Livupu la Ngidi huli Taata, we bu Nzambi hasiidi lahi. Nde amiiyitala lo ŋa yulu a bisu, we bu benu lili mu umono na uyuha bunuubu.

Looma 1:7

Me ndi mu utsonehele huli benu boosi ba lili hu Musyenge a Looma, benu ba Nzambi hatondo, ba nde hamiiteele mu uba bangidi. Nyaha Nzambi Taata, na Pfumu a bisu Yisu Kristo, bava benu hyese na hyenze.

Looma 8:28

Bisu liyaabi ti pasi bisiha bibaavangama mu libwe la ba baatondo Nzambi, na ba nde hateele we bu huli kesili a nde.

Looma 9:33

we bu ma Baasonehe ma Ngidi mali mu uleele: «Me ndi mu utsusa mu musyenge a Syoni, manya li libaakubasa baatu baku, manya li linene li libaabwisa baatu. Ka pasi muutu wu usa imiinu mu nde, a humono tsonyi ve.»

Ngalaatiya 4:6

Mu toni ati, benu ni baana ba nde, Nzambi atsindihi mutso mitima mya bisu, Livupu la Mwana a nde, Livupu li libaafulaha: «Abba! Taata!»

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Filiipo 1:20

Li me ndi mu ukeele na usa hiitu mu lo ni ti, me a handi na tsonyi mu pasi dyambu ve. Li me ndi mu utondo loloyi, we mu pasi tangu na hiitu hyosi ni ti, Kristo uyaka muyusu mu nyutu a me. Me tso amba monyi, me tso akwa.

1 Tesalonika 4:8

Ni mu buuna, pasi nde wu uveleyaka ndongisili moyiniyi, a muutu nde anyasuli ve, ka nde li mu unyasula Nzambi, wu ubaava benu Livupu la nde la Ngidi.

2 Tesalonika 2:16

Mu hyese hya nde, Nzambi Taata a bisu atondo bisu, na nde ava bisu ibahala hi hyavele na tsukusu na hiitu hi hibwe. Nyaha nde na Pfumu a bisu Yisu Kristo nde mwakulu,

2 Timoteho 1:12

Na, ni mu buuna, me ndi mu umono mapasi momanima. Ka me a handi na tsonyi ve, mu toni ati me nzabi mu na me atsa hiitu hya me. Me na hiitu mu nde, wu uli na matwala ma ukelese bi nde hava me, nate mu ilumbu hya tsundusu.

1 Yowani 4:19

Ka uto ti bisu, bisu libaatondo Nzambi, mu toni ati nde atswamini utondo bisu.