Looma 5:2 - Musamu wu Mubwe

² Mu toni imiinu hya bisu mu nde, bisu lili na muswa mu ubaha hyese hi bisu luukwilala ba baavangama mu hyo. Na bisu lili na kinya, bu bisu lili na hiitu mu ukabasana muyusu a Nzambi.

Looma 5:2 ပူးပေါင်းရင်းမြစ်များ

Yowani 10:7

Yisu abweleele bo: «Mu mbuli mu mbuli me ndi mu undeele benu, me ni ikotili hya mumbu mameme.

Yowani 10:9

Me ni ikotili. Tso muutu vyohili mu me, nde sa afuuha. Nde sa akoto na upala na bunyanga, na nde sa abaha byudya.

Yowani 14:6

Yisu afutili nde: «Me ni nzila, imbuli na monyi. Muutu tso mumosi a huya huli Taata hwavele uvyohele mu me ve.

Yowani 5:24

Mu mbuli, mu mbuli me ndi mu undeele benu, muutu wu li mu uyuha mambu ma me, na li mu usa imiinu mu wuuna wu atsindaha me, nde li na monyi wu bilima na bilima. Nde a hukoto mu tsuundusu ve, ka nde amiimata mu lipfu na uvyoho hu monyi.

Mavanga 14:27

Bu bo baatoodi hu musyenge a Antyokya, baakuukihi libundu. Baayabisi bo mambu ma Nzambi havangi mu mambuha moosi ma bo baaba. Na buni Nzambi hadibuli huli ba baavele Bayudaayo, nzila yi usa hiitu mu Pfumu.

Looma 11:20

Ni buuna hwa nde. Baakesi byo, mu toni a pelili imiinu hya byo. Na baanamiha we, mu toni imiinu hya we. Ka a hasa nyeme! Homo ba na boomo!

Looma 12:12

Baani na kinya mu toni a hiitu hya benu. Baani na mukami mu tangu a pasi, baasambilaani na mukonono.

Looma 14:4

We na li, we wu li mu utsuundasa musalili a wuna? Tso nde li wu abama mu isalu, tso nde bwidi, liina lili mu utala pfumu a nde. Ka nde ukwilala wu abama, mu toni ati Pfumu li na matwala ma usika nde.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 2:7

Nzambi uva monyi wu bilima na bilima huli ba bali na mukonono wu ubaavanga mambu mamabwe. Bo bali mu usaha muyusu, likiinzu na idiingu hi hyuvelekwa.

Looma 3:23

boosi baamiisa masumu na baamiivinda ukoto mu muyusu a Nzambi.

Looma 5:5

Hiitu a hibaapfuta ve mu toni ati, Nzambi ayitili litondo la nde mutso mitima mya bisu, mu likumbasa li Livupu la Ngidi li nde haviidi bisu.

Looma 8:1

Bunuubu, boosi ba baabambana na Yisu Kristo a bubweyaka tsyembili ve.

Looma 8:24

Ka bisu lamiiyoboho ndulu mu hiitu. Bi muutu ali mu umono, utwala ubweba hiitu ve. Bi bali mu umono, utwala ubwesa hiitu mu byo?

2 Tesalonika 2:16

Mu hyese hya nde, Nzambi Taata a bisu atondo bisu, na nde ava bisu ibahala hi hyavele na tsukusu na hiitu hi hibwe. Nyaha nde na Pfumu a bisu Yisu Kristo nde mwakulu,

1 Peetelo 3:18

Ka Kristo nde mwakulu amoni pasi ya nzyeni, mu toni masumu ma baatu. Nde wa tsiitsa, mu babaaveletsiitsa, mu ubita benu huli Nzambi. Baadubi nde mu linyutu, ka Nzambi asuuli nde mu Livupu.