Looma 5:17 - Musamu wu Mubwe

¹⁷ Mu mbuli, lipfu laamwesi matwala ma lo mu lisumu la muutu mumosi. Ka mu Yisu Kristo siha, bisu laamiiyaka bibilahi: boosi ba bali mu uyaka hyese hi hyafulala hya Nzambi, na bungodu bu butsiitsa bwa nde, buuba monyi na buuba batumi na Yisu Kristo.

Looma 5:17 ပူးပေါင်းရင်းမြစ်များ

Yowani 10:10

Mwibi ubaaya ndulu mu uyiba, mu uduba na mu utsala. Ka me anza, mana mameme mabaha monyi, monyi wu afulala.

Looma 5:12

Ni mu buuna, lisumu laakoti mu tsi mu toni a muutu mumosi, na lo laabehi lipfu. Ni bumosi kaka, lipfu laakotilili baatu boosi, mu toni ati boosi baasumihi.

Looma 5:15

Ka lisumu la Adami, a luuyelemese na hyese hi Nzambi ubaava mu bungodu ve. Mu mbuli, baatu babalahi baamiikwa mu toni bubi bwa muutu mumosi. Ka bubwe bu Nzambi ubaamwese mu baatu, bwafulala iteesi. Na bi nde ubaava bi bongodu huli baatu babalahi mu likumbasa la muutu mumosi, Yisu Kristo, byamiisinzafulala.

Looma 5:20

Mikele myayidi mu umwese baatu masumu ma bo, na masumu maafulili bulahi. Ka huuna hu masumu maafulili, hyese hya Nzambi hyabwesinzafulala.

Looma 6:14

Buuna, lisumu a lubweba na matwala mu benu ve. Mu toni ati, benu a lili hutso lituma li Mikele ve, ka hutso a hyese hya Nzambi.

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

Looma 8:39

tso matwala ma hu yulu, tso ma ŋa toto, tso pasi iloho hi Nzambi havanga, isiha tso imosi utwala utahula bisu na litondo, li Nzambi hamwesi bisu mu Yisu Kristo Pfumu a bisu ve.

Filiipo 3:9

Me atsiidi buuna, mana bayabiisa me wu akangama mu nde mu butsiitsa bu imiinu mu Kristo. A mu butsitsa bwa me, bu buumata mu Mikele ve. Ka mu imiinu hi hyasiingama mu Kristo, me umba butsitsa. Ni butsiitsa bu buumata huli Nzambi.

1 Timoteho 1:14

Pfumu a bisu amiipuhala hyese hya nde mu me, mu iteesi hi hyafulala. Nde akumbisi me mu usa imiinu mu nde, na mu utondo bana. Maana moosi mu ubaayelemene, mu toni a bu me akangama mu Yisu Kristo.

2 Timoteho 2:12

Tso bisu lihwadi, bisu kaka lu utuma na nde. Ka tso bisu lituni nde, nde kaka utunala bisu.

Yaki 2:5

Yuhani baana ba ngu a me ba litondo, Nzambi asooli biyaha bya ŋa toto, mana byo biba bisina mu imiinu. Bisina mu imiinu byuba babahi ba mukobe a Ipfumu hi Nzambi hasiidi lahi, huli ba bubaatondo nde.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.