Looma 5:15 - Musamu wu Mubwe

¹⁵ Ka lisumu la Adami, a luuyelemese na hyese hi Nzambi ubaava mu bungodu ve. Mu mbuli, baatu babalahi baamiikwa mu toni bubi bwa muutu mumosi. Ka bubwe bu Nzambi ubaamwese mu baatu, bwafulala iteesi. Na bi nde ubaava bi bongodu huli baatu babalahi mu likumbasa la muutu mumosi, Yisu Kristo, byamiisinzafulala.

Looma 5:15 ပူးပေါင်းရင်းမြစ်များ

Yowani 3:16

Ka mbi bu Nzambi hatondi tsi, nde atsindihi Mwana a nde wu livingu, mana pasi nde wu usiila nde imiinu, avele bungana, ka nde sa abaha monyi wu bilima na bilima.

Yowani 4:10

Yisu ni ufutala nde: «Kini we ayaaba bungodu bwa Nzambi, na tso we kiyaaba na li mu uleele we: “Va me mamba ma unywa”, kini we ni wu kiivondo mamba ma unywa, na nde kiiva we mamba ma monyi.»

Mavanga 15:11

Ka bisu na hiitu ti ni mu bubwe bwa Pfumu Yisu bisu laamiyoboho, pila mosi we bo, ba baavele Bayudaayo.»

Looma 5:12

Ni mu buuna, lisumu laakoti mu tsi mu toni a muutu mumosi, na lo laabehi lipfu. Ni bumosi kaka, lipfu laakotilili baatu boosi, mu toni ati boosi baasumihi.

Looma 6:23

Ka pfuta a masumu ni lipfu, ka ikuuku hi Nzambi ubaava mu bungodu, ni monyi wu bilima na bilima itwadi na Yisu Kristo, Pfumu a bisu.

1 Yowani 2:2

Nde mwakulu asiingi ukwa we bungodu mu masumu ma bisu, mana Nzambi asa kolo-kolo. Nde unyahula masumu ma bisu, napa masumu ma baatu ba tsi yoosi.

1 Yowani 5:11

Yuhaani imbangi mo ni hinihi: Nzambi aviidi bisu monyi wu bilima na bilima, na tso bisu lili na monyi mowuuna, ni mu likumbasa la Mwana a nde.