Looma 5:10 - Musamu wu Mubwe

¹⁰ Bu bisu laaba baboho ba Nzambi, nde anongi na bisu mu lipfu la mwana a nde. Tandisini a buunubu bu bisu limiinongo na Nzambi, buni nde huvelefuhasa bisu mu monyi a mwana a nde?

Looma 5:10 ပူးပေါင်းရင်းမြစ်များ

Yowani 14:19

Mu mwana a tangu hoole, baatu ba tsi a bubwemono me ve. Ka benu, benu sa limono me. Mu toni ati me ndi monyi, na benu kaka sa liba monyi.

Yowani 5:26

We bu Taata ali na monyi mu nde mwakulu, ni bumosi kaka nde hava Mwana muwsa mu ubaha monyi mu nde mwakulu.

Yowani 6:40

Eye, litondo la Taata a me ni liniili: woosi wu umono Mwana a nde, na usiila nde imiinu, ubaha monyi wu bilima na bilima. Na me utsuula nde mu ilumbu hya tsyelele.»

Yowani 6:57

We bu Taata wu atsindaha me ali monyi, me ndi monyi mu toni a Taata. Bumosi kaka, muutu wu udya musunya a me sa aba monyi mu toni a me.

Looma 11:28

Tso limoni ubisa hwa bo hu Musamu wu Mubwe, bo baaka bambene ba Nzambi mu libwe la benu. Ka tso litelimi ŋa busu bwa tsolili a Nzambi, nde kini mu utondo bo, mu toni bakaaha ba bo.

Looma 5:11

Titswene, bisu lili na kinya ŋa busu bwa Nzambi, mu toni a Pfumu a bisu Yisu Kristo, wu miinongese bisu loloyi na Nzambi.

Looma 5:6

Ni mu buuna, bu bisu laaba kini mifudi ve, Kristo akwidi mu toni a bisu banga masumu, mu tangu yi Nzambi hakese.

Looma 8:32

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

Looma 8:34

Ka na utwala usyembe bo? Muutu ve, mu toni ati Yisu Kristo miikwa, titswene nde miisuuha, nde li ŋa mbahala a Nzambi. Na nde li mu usambila mu bisu!

Looma 8:7

Boosi ba bali hutsina lituma li manzala ma imuutu, bali baboho ba Nzambi. Mu toni ati, bo a bubaasiingala Mikele mya Nzambi ve, na a bubaatwala tso hoole ve.

1 Yowani 2:1

Baana ba me, me ndi mu utsonehele benu mambu momanima, mana benu livelesa masumu. Ka tso muutu miisa masumu, bisu lili na muvolili mileembe ŋa busu bwa Taata, ni Yisu Kristo, nde wu li wu akuha.

1 Yowani 4:10

Na mono litondo buni lili: a huli ti ni bisu laatondi Nzambi ve, ka ni nde atondi bisu na atsindihi Mwana a nde, wu aviidi muvumu a nde mu bungodu mu toni umaasa masumu ma bisu.