Looma 4:25 - Musamu wu Mubwe

²⁵ Nzambi aviidi Yisu mu lipfu, mu toni masumu ma bisu. Na Nzambi asuuli nde, mana bisu liba ba baakuha.

Looma 4:25 ပူးပေါင်းရင်းမြစ်များ

Looma 3:25

Ni nde Nzambi hayehuli we bungodu, mu ufwinzala mu makila ma nde, masumu ma boosi ba bubaasiila nde imiinu. Nzambi havangi buuna, mu umwese butsiitsa bwa nde, mu toni ati, mu tangu a tsomi, nde a hasyembi baatu mu masumu ma bo ve.

Looma 5:18

Ni ŋaana, lisumu la muutu mumosi, Adami, laabiti baatu boosi mu kondaayi. Ni bumosi kaka, vanga la tsiitsa limosi la Yisu Kristo, luubita baatu boosi mu uba bunyanga na uva bo monyi.

Looma 8:3

Mambu ma Mikele mya Moose myakaveletwala uvanga, mu toni ikolili hi bumuutu, Nzambi avangi mo. Nde atsindihi Mwana a nde mu uba monyi mu linyutu li musunya, mana nde amaasa mukele lisumu, na uva lisumu tyembili mutso a nyutu.

Ngalaatiya 1:4

Kristo wu asiinga, we bu hwaba litondo la Nzambi, mu uyeholo muvumu a nde we bungodu, mu uyobolo bisu mu masumu ma bisu, mu upatula bisu mu matwala ma mabi ma tsi moyiniyi.

Ngalaatiya 2:20

Ni mu buuna, a me ndi monyi ve, ka ni Kristo li monyi mu me. Idiingu hya me ŋa toto, ni mu imiinu mu Mwana a Nzambi me ndi mu ukuhasa hyo. Nde wu atondi me, ayehuli monyi a nde mu toni a me.

Ngalaatiya 3:13

Bu Kristo akituhi iloho hya tsingili ŋa mbuha a bisu, nde ayobili bisu mu tsingili Mikele. Ma baasonehe ma Ngidi mali mu uleele: « Aba wu baasinga, pasi nde wu akwa mu swe ŋa muti.»

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

1 Peetelo 1:21

Mu nde benu lili mu usa imiinu mu Nzambi wu asuula nde ŋa hati la babaakwa, na wu ava nde muyusu. Ni mu buuna, benu libaasa imiinu na hiitu mu Nzambi.

1 Peetelo 2:24

«Nde abiti nde mwakulu masumu ma bisu», mu nyutu a nde ŋa muti. Nde hasiidi buuna, mana bisu liba we baatu babaakwa ŋa busu bu masumu, na ubaha monyi mu ukuhasa butsiitsa. Eeye, basonehe ti: «Ni mu toni a mbuma a nde benu laabeloho.»

1 Peetelo 3:18

Ka Kristo nde mwakulu amoni pasi ya nzyeni, mu toni masumu ma baatu. Nde wa tsiitsa, mu babaaveletsiitsa, mu ubita benu huli Nzambi. Baadubi nde mu linyutu, ka Nzambi asuuli nde mu Livupu.

1 Yowani 2:2

Nde mwakulu asiingi ukwa we bungodu mu masumu ma bisu, mana Nzambi asa kolo-kolo. Nde unyahula masumu ma bisu, napa masumu ma baatu ba tsi yoosi.