Looma 4:11 - Musamu wu Mubwe

¹¹ Na titswene, Abrahami ayaki ketili we iliimbu. Hyo hyaba we matala mu umwese ti Nzambi asiingi ukuha hwa nde mu imiinu. Ni buuna, bu Abrahami haba kini a baaketi ve, Nzambi abyalisi nde taata a boosi ba bubaasiila imiinu mu Nzambi. Baatu mobaana, Nzambi ubaasiinga bo kaka we ba baakuha, tso bu bo baabeedi kini a baaketi ve.

Looma 4:11 ပူးပေါင်းရင်းမြစ်များ

Luuka 19:9

Yisu aleeli nde: «Loloyi Nzambi miiyobolo baatu babali mu nzo moyi, mu toni ati muutu mowunuwu ka li wu imbisa hya Abrahami.

Yowani 3:33

Muutu wu li mu usiinga imbangi hya nde, li mu usilasa ti Nzambi li imbuli.

Yowani 3:36

Muutu wu ubaasiila Mwana a Nzambi imiinu, li na monyi wu bilima na bilima. Ka wu uveleyuhala Mwana a Nzambi, a hubaha monyi mo ve. Na kesi a Nzambi sa yiba ŋa yulu a nde.»

Yowani 6:35

Yisu ni uleele: «Me, me ndi lipa la monyi. Pasi muutu wu uya huli me, a hukaakwa nzala ve. Na wu usiila me imiinu, a hukaamono peyu ve.

Yowani 6:40

Eye, litondo la Taata a me ni liniili: woosi wu umono Mwana a nde, na usiila nde imiinu, ubaha monyi wu bilima na bilima. Na me utsuula nde mu ilumbu hya tsyelele.»

Yowani 6:47

Mu mbuli, mu mbuli, me ndeele benu lo, wuuna wu usiila nde imiinu, miibaha monyi wu bilima na bilima.

Yowani 8:33

Bo baafutili nde: «Bisu lili ba imbisa hya Abrahami. Bisu kini a laabeedi baviha ba muutu ve. Buni we utwala uleele ti: “Benu sa liba bunyanga”?»

Looma 10:11

Ni mu buuna ma baasonehe ma Ngidi mali mu uleele: «Woosi wu ubaasa imiinu mu nde, a humono tsonyi ve.»

Looma 10:4

Mu toni ati, Kristo ni kaluha Mikele mya Moose, mana boosi ba nga imiinu mu Yisu, baba ba butsiitsa ŋa busu bwa Nzambi.

Looma 10:6

Ka mono buni butsiitsa bu bubaamata mu imiinu buli mu uleele: «A haleele hutso mutima a we: Na uvata hu yulu?» Mbindulili ni ti: mu usutasa Kristo.

Looma 3:22

Nzambi ubaakuhasa baatu, mu nzila yi imiinu mu Yisu Kristo. Nde ali mu uvanga buuna, mu boosi ba butsiitsa mu nde. Mu toni ati, lisobosono love ŋa hati la bo:

Looma 3:26

Mu mukami a nde, Nzambi tondi umwese butsiitsa bwa nde mu tangu moyiniyi, mana nde aba wa tsiitsa na ukuhasa pasi muutu wu amiisiila Yisu imiinu.

Looma 3:30

mu toni ati, Nzambi ndulu mosi ali! Ni nde ukuhasa ba baakete mu imiinu, na ba baavelekete mu imiinu.

Looma 4:10

Mu ki tangu musamu mowuuna hatswihi? Tehele bakete Abrahami, buve humbisa a ketili a nde? Naana! A humbisa a ketili a nde ve, ka ŋa habedi kini a baaketi ve.

Looma 9:30

Hima luleele mu tangu yi? Bunuubu: baatu ba matsi makima ba baavelesaha uba ba butsiitsa ŋa busu bwa Nzambi, baaka ba butsiitsa ŋa busu bwa nde mu imiinu;

Looma 9:33

we bu ma Baasonehe ma Ngidi mali mu uleele: «Me ndi mu utsusa mu musyenge a Syoni, manya li libaakubasa baatu baku, manya li linene li libaabwisa baatu. Ka pasi muutu wu usa imiinu mu nde, a humono tsonyi ve.»

Looma 9:6

Me a handi mu undeele ve ti Mambu ma Nzambi mali ma maavele na tsongo. Ka boosi ba bali imbisa hya Yakobi a bali bisu Isereli ba mbuli ve.

Ngalaatiya 3:22

Ka ma baasonehe ma Ngidi, mali mu uleele ti toto yoosi yili hutso lituma li masumu. Toto yili yi yasumaha, mana banga a imiinu mu Yisu Kristo bayaka bungodu bu Nzambi hasiidi bo lahi.

Ngalaatiya 3:29

Umono ti benu lili ba Kristo, benu lili imbisa hya Abrahami. Na benu sa liba babyalili ba mukobe wu Nzambi hasiidi lahi huli Abrahami.

Ngalaatiya 3:7

Benu lafwana mu uyaaba lo: Babali na imiinu mu Nzambi, ni bo bali baana ba Abrahami.

Ngalaatiya 5:5

Ka bisu, ba laasa hiitu hya bisu mu Nzambi, bisu lili mu ukeele mu mutima a bisu woosi. Nde sa asungaha bisu ŋa busu bwa nde, mu matwala ma Livupu.

Ngalaatiya 6:16

Huli boosi ba bali mu usiingala ndongisili a me, me ndi mu undeele bunuubu: Nyaha hyenze na bubwe bwa Nzambi, biba mu bo na mu buli la Nzambi loosi!

Filiipo 3:9

Me atsiidi buuna, mana bayabiisa me wu akangama mu nde mu butsiitsa bu imiinu mu Kristo. A mu butsitsa bwa me, bu buumata mu Mikele ve. Ka mu imiinu hi hyasiingama mu Kristo, me umba butsitsa. Ni butsiitsa bu buumata huli Nzambi.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.