Looma 3:9 - Musamu wu Mubwe

⁹ Ka hima? Be bisu Bayudaayo, bisu laakulala bakima? Naana! Bisu laamiimwese ti baatu boosi, Bayudaayo na ba baavele Bayudaayo, bali hutso lituma li masumu.

Looma 3:9 ပူးပေါင်းရင်းမြစ်များ

Luuka 7:39

Mufarisi wu ateeli Yisu mu udya amono buuna, aleeli hutso mutima a nde: «Tso muutu mowunuwu beedi mumbihuli wa mbuli, kini nde kiyaba na li mukaasu wu mibembe nde, na mbiili a nde. Nde kiyaba ti mukaasu mowunuwu imbembo ali.»

Looma 1:18

Umata hu yulu, Nzambi ubaamwese kesi a nde huli baatu ba bubaaveleyusa nde na ba bubaavanga mamabi. Bo bali mu upfubaha imbuli mu ngaabi a bo.

Looma 11:32

Mu toni ati, Nzambi amiikangimasa baatu boosi hutso a kene, mana nde amwese kwili lingebe a nde huli boosi.

Looma 11:7

Ka hima? Baatu ba Isereli a baabaha hi bo baakasaha ve. Ka ndulu ba nde hasoolo baayaki hi bo baakasaha. Ka uto ti bakima, baamiikondosono bo utsikaha,

Looma 2:1

Ni mu buuna, pasi wu we li, we wu ubaatsundasa bana, we utwala uleele ve ti we ayaabi ve. Bu we ubaatsundasa bana, we li mu usyembe we mwakulu. Mu toni ati, we wu ubaatsundasa bana, we kaka ubaavanga mamabi we bo.

Looma 3:1

Buuna, Muyudaayo mu ki lo hakulala baatu bakima? Buve, kaluha a ketili ni hima?

Looma 3:19

Ka bisu liyabi ti, mambu moosi ma mali mu Mikele mya Nzambi, mubaasiingama huli ba Nzambi haviidi Mikele mya nde. Mana minywa myosi mikangama, na bayaaba ti baatu ba toto yoosi, bali na toni ŋa busu bwa Nzambi.

Looma 3:5

Ka tso bubi bu bisu libaasa, buli mu umwese ti mbuli Nzambi li tsiitsa, buni luutwala uleele? Ti Nzambi a hali tsiitsa ve, ŋa nde ali mu unyangumasa kesi a nde ŋa yulu a bisu — Tso me ndi mu undeele buuna, maana ni matsimi ma me ma imuutu —

Looma 6:15

Ka buni? Bisu a benu ni libaasumahani mu toni ati a lisaali hutso Mikele ve, ka hutso a hyese hya Nzambi? Naana ubila ve!

Looma 7:14

Eye, bisu liyaabi ti Mikele ubaamata mu Livupu la Nzambi. Ka me, me ndi muutu wu akolo wu baamiisumbasa we muviha mu lisumu.

Ngalaatiya 3:10

Ka babali mu usingama mu Mikele mya Moose, baamikoto mu tsingili, we bu baasonehe bunuubu: «Aba wu baasinga, woosi wu avelehwada mu usalila moosi ma baasonehe mutso muhanda Mikele.»

Ngalaatiya 3:22

Ka ma baasonehe ma Ngidi, mali mu uleele ti toto yoosi yili hutso lituma li masumu. Toto yili yi yasumaha, mana banga a imiinu mu Yisu Kristo bayaka bungodu bu Nzambi hasiidi bo lahi.

Filiipo 1:18

Liina a lili dyambu la tsongo ve. Lo kaka a lili mu ukwamisa me ve. Tso hwaba ti mu matsimi mamabi, buve mu matsimi mamabwe, la tsoongo ni ti, bo bali mu ulongese mambu ma Kristo. Ni mu toni a maana, me ndi na kinya. Na me umbwetsinzamono kinya,