Looma 3:27 - Musamu wu Mubwe

²⁷ Toni mabyoho ma bisu ka kiyo? Naana! Yove tso mosi! Bisu libaaleele buuna mu ki toni? Mu toni ati hya tsoongo, ni uvelebweba hutsina lituma li mavanga ma Mikele, ka mu usa imiinu.

Looma 3:27 ပူးပေါင်းရင်းမြစ်များ

Yowani 3:36

Muutu wu ubaasiila Mwana a Nzambi imiinu, li na monyi wu bilima na bilima. Ka wu uveleyuhala Mwana a Nzambi, a hubaha monyi mo ve. Na kesi a Nzambi sa yiba ŋa yulu a nde.»

Looma 10:5

Moose asonihi bunuubu, mu toni butsiitsa bu bubaamata mu Mikele: «Muutu wu li mu usalila bu huli matumili ma Mikele, sa aba monyi mu mo.»

Looma 11:6

Nde hasoolo bo mu hyese hya nde, ka a mu toni mavanga ma bo ve. Tso a buuna ve, hyese hya Nzambi a hisaali hyese ve.

Looma 2:17

Ka we wu li mu ubula mabyoho ti we Muyudaayo, we li mu usiingama mu Mikele na we li mu unyeme ti Nzambi, Nzambi a we.

Looma 2:23

We wu li mu ubinuha ti we na Mikele mya Moose, we li mu umwese Nzambi tsogni mu toni ati, we li mu uvanga ma maasoboono na ma Mikele mili mu utuma!

Looma 3:19

Ka bisu liyabi ti, mambu moosi ma mali mu Mikele mya Nzambi, mubaasiingama huli ba Nzambi haviidi Mikele mya nde. Mana minywa myosi mikangama, na bayaaba ti baatu ba toto yoosi, bali na toni ŋa busu bwa Nzambi.

Looma 3:26

Mu mukami a nde, Nzambi tondi umwese butsiitsa bwa nde mu tangu moyiniyi, mana nde aba wa tsiitsa na ukuhasa pasi muutu wu amiisiila Yisu imiinu.

Looma 4:2

Tso Nzambi asiingi ti Abrahami li wu akuha mu toni mavanga, Abrahami utwala ubula mabyoho. Ka a ŋa busu bwa Nzambi ve.

Looma 7:21

Me miitsikaha bunuubu: ŋa mbuha yi me tondi uvanga mambu ma mabwe, me ubaavanga ndulu mambu ma mabi.

Looma 7:23

Ka me ndi mu umono hutso linyutu la me, tumili kima yi yibaalwanisa tumili yi buyedi bwa me bubaasilasa. Yo yili mu ukitusa me kondaayi mukele lisumu wu li mu me.

Looma 7:25

Lifutalaani matondo huli Nzambi mu Yisu Kristo Pfumu a bisu! Mu ukuka, mu buyedi bwa a me, me hutsina lituma li Mikele mya Nzambi me ndi, ka mu ikolili hi imuutu hya me, me ndi muviha mukele lisumu.

Looma 8:2

Mu toni ati, mukele a Livupu la Ngidi wu ubaava monyi mu likumbasa la Yisu Kristo, amiiva me bunyanga ŋa busu bu mukele lisumu na lipfu.

Looma 9:11

Abeedi kini abaabuti baana mobaana ve, na bo kaka aba kini a baavangi dyambu li libwe tso li libi ve, ŋa Nzambi hayambili huli Lebeka, mana makani ma Nzambi, ma mali we bu huli tsolili a nde makwilala.

Looma 9:31

ka ba ibandu hya Isereli ba baakasaha uba ba butsiitsa ŋa miisu ma Nzambi mu likumbasa li Mikele, a baatwali ukiinza Mikele ve.

Looma 9:32

Mu ki toni? Mu toni ati bo a baakasaha uba ba butsiitsa mu imiinu ve, ka mu mavanga. Bo baayakubaana manya li libaabwisa baatu,

Ngalaatiya 2:16

Bisu liyaabi ti Nzambi ni wu ubaasa ti muutu aba wu akuha mu imiinu hya nde mu Yisu Kristo. Ka a bu nde ubaaduukala Mikele mya Moose ve. Mono buni bisu Bayudaayo kaka, laamiisa imiinu mu Yisu Kristo, mana bisu liba ba baakuha mu imiinu mu nde. Bisu a lili ba baakuha ŋa busu bwa Nzambi, mu kuhisili Mikele mominimi ve. Muutu tso mumosi utwala umonehele wu akuha ŋa busu bwa Nzambi, bu nde ubaakuhasa Mikele ve.

Ngalaatiya 3:22

Ka ma baasonehe ma Ngidi, mali mu uleele ti toto yoosi yili hutso lituma li masumu. Toto yili yi yasumaha, mana banga a imiinu mu Yisu Kristo bayaka bungodu bu Nzambi hasiidi bo lahi.