Looma 3:21 - Musamu wu Mubwe

²¹ Ka bunuubu, Nzambi amiimwese buni nde ubaakuhasa bisu ŋa busu bwa nde, hwavele usalila Mikele. Mabuuku ma Mikele na ma mimbihuli, maasilisi lo mu.

Looma 3:21 ပူးပေါင်းရင်းမြစ်များ

Luuka 24:44

Titswene nde aleeli bo: «Monwani mambu ma me anzaabisi benu ŋa me amba kini ŋa hati la benu. Hwafwana ti, mambu momanima moosi ma baasonehe ma Ngidi mu me, matswiha. Mambu mo mali mu mikele mya Moose, hutso mabuuku ma mimbihuli na mu buuku li Mikuunga.»

Yowani 1:45

Titswene Filipo abwani na Natanayeli, na aleeli: «Bisu limiisoolo muutu wu Moose hasonihi mu muhanda Mikele, wu mimbihuli myasiidi lahi mu nde. Ni Yisu, mwana a Yosefi, musi Nazareti.»

Mavanga 10:43

Mimbihuli myosi myatiili nde imbangi. Mono imbangi mo: pasi muutu wu usa hiitu mu nde, yaki linyahula li masumu mu matwala ma nduhi a nde.»

Mavanga 15:11

Ka bisu na hiitu ti ni mu bubwe bwa Pfumu Yisu bisu laamiyoboho, pila mosi we bo, ba baavele Bayudaayo.»

Mavanga 26:22

Ka Nzambi li mu ukeelese me nate loloyi. Na me ndi ŋa mu uta imbangi hya me huli baatu boosi, huba bangebe tso bakuutu. Me ndi mu undoongese pila mosi ma mimbihuli mya tangu yikulu na Moose, baayabisi, mi myafwana uvangama mu Kristo.

Mavanga 28:23

Bo baabwesoolo ilumbu ikima, hi ubwepfuutana na Pahuli. Bu ilumbu mohina hyatoodi, bo baayeni huli nde, mu litangu lililahi li laafulala la tsomi. Imoho hyabaandihi ŋa ngwali nate ŋa tsitsaha. Mu ndongisili a nde, Pahuli akalongese na ubindula mambu ma Ipfumu hya Nzambi. Nde akabindula bo mikele mya Moose, na mihanda mi mimbihuli mya Nzambi myasonihi, mana nde abita bo mu ukangama mu Yisu.

Looma 1:17

Ni mu buuna, Musamu wu Mubwe li mu umwese bunuubu: Nzambi ubaatsikaha butsiitsa bwa baatu, mu tangu yi bo bali mu usa hiitu mu nde, we bu baasonehe mu ma Ngidi: «Mutsiitsa uba monyi mu imiinu.»

Looma 1:2

Nzambi asiidi lahi li Musamu wu Mubwe wunuwu, umata beleve. Mimbihuli mya nde myasonihi Musamu mo wuuna, mu mabuuku ma nde ma Ngidi.

Looma 16:26

Bunuubu, lahi mo li liyobolo limiimonehele pa yalala, mu nzila mabuuku ma mimbihuli we bu hu li tumili a Nzambi wu avele na tsukusu, lahi mo laamiimonehele mu mabuli makima ma toto yoosi, mana mo masiila nde imiinu na masiingala nde.

Looma 3:28

Mu mbuli, Nzambi ubaakuhasa muutu mu toni imiinu hya nde, ka a mu mavanga ma Mikele ve.

Looma 5:19

We mu kene a muutu mumosi, baatu babalahi baasumihi. Ni bumosi kaka, mu lisiingala la muutu mumosi, baatu babalahi baaka bunyanga ŋa busu bwa Nzambi.

Looma 5:21

We bu lisumu laamwesi matwala mu uduba baatu, ni bumosi kaka, hyese hya Nzambi hyumwese matwala ma hyo mu butsiitsa, mu ubita baatu hu monyi wu bilima na bilima mu Yisu Kristo Pfumu a bisu.

Looma 9:30

Hima luleele mu tangu yi? Bunuubu: baatu ba matsi makima ba baavelesaha uba ba butsiitsa ŋa busu bwa Nzambi, baaka ba butsiitsa ŋa busu bwa nde mu imiinu;

Ngalaatiya 3:8

Nzambi aleeli mu mambu ma nde, ti nde sa akitusa babavele Bayudaayo mu uba baatu ba baakuha mu imiinu ŋa busu bwa nde. Ni mu buuna, nde abweleele huli Abrahami dyambu lilibwe li: «Nzambi sa asyeme bibandu bya ŋa toto byosi, mu toni a we.»

Ngalaatiya 5:5

Ka bisu, ba laasa hiitu hya bisu mu Nzambi, bisu lili mu ukeele mu mutima a bisu woosi. Nde sa asungaha bisu ŋa busu bwa nde, mu matwala ma Livupu.

Filiipo 3:9

Me atsiidi buuna, mana bayabiisa me wu akangama mu nde mu butsiitsa bu imiinu mu Kristo. A mu butsitsa bwa me, bu buumata mu Mikele ve. Ka mu imiinu hi hyasiingama mu Kristo, me umba butsitsa. Ni butsiitsa bu buumata huli Nzambi.

1 Peetelo 1:10

Mimbihuli myasahi utsikaha mu bungeele bwosi, liyobolo moliina. Myo myabihuli mu mamali mu utala hyese hi Nzambi haswehili benu.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.