Looma 2:9 - Musamu wu Mubwe

⁹ Mapasi na minyongi byubwila boosi ba bubaasalila bubi. Hati a tsomi Bayudaayo, titswene ba baavele Bayudaayo!

Looma 2:9 ပူးပေါင်းရင်းမြစ်များ

Luuka 24:47

Bo baabwesonehe ti, sa balongese mu nduhi a nde, Musamu wu Mubwe huli baatu ba matsi moosi. Mana bo basobo mbiili a bo, na bayaka nyahulili masumu. Bo sa batswamina ulongese mo hu musyenge a Yeruselemi.

Mavanga 11:18

Humbisa uyuha mambu momaana, bo baavudimini, baayusi Nzambi. Bo baaleeli: «Kaahu mbuli, Nzambi amiiva nzila yi usobo mbiili na yi uyaka monyi a mbuli, huli ba baavele Bayudaayo.»

Mavanga 13:26

«Baana ba ngu a me, benu ba imbisa hya Abrahami, na ba bubaakiinza Nzambi. Ni huli bisu a benu boosi, Nzambi hatsindaha musamu liyobolo wunuwu.

Mavanga 20:21

Me anzaabisi huli Bayudaayo na Bangeleke, mu usobo mbiili a bo nzyeni. Me ambwenzaabisa bo mu ukiinguha huli Nzambi, na usiingama mu Pfumu a bisu Yisu.»

Mavanga 26:20

Ka me anzaabisa Musamu wu Mubwe, tsomi huli bisu Damaseko, bisu Yeruselemi, ba itanzi hya Yuda yoosi na ba matsi makima. Me ateele bo mu usobo mbiili. Bo bakiinguha huli Nzambi, na umwese mu mavanga tsobiili moyina.

Mavanga 28:17

Bilumbu bitatu bu byavyohi, Pahuli atsihi bakuutu ba Bayudaayo ba hu musyenge a Looma. Bo baayakuukama huli nde mu uyuhala nde. Pahuli aleeli bo: «Baana ba ngu, me a hatsa pasi dyambu lilibi ŋa busu bwa buli la bisu a benu ve, tso unyanza bipfu bi bataata ba bisu a benu. Ka baakangi me hu Yeruselemi hwavele a toni, na baayehuli me ŋa myoho mi bakuutu ba Looma.

Mavanga 28:28

Titswene Pahuli abweleele: «Buuna, yabaani li: yabaani ti mu musamu wu liyobolo, Nzambi amiitsindaha nde huli ba baavele Bayudaayo. Ka bo bu uyaka mu mutima a bo, musamu liyobolo!» [

Mavanga 3:26

Ni mu toni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavanga ma nde mamabi.»

Looma 1:16

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 10:12

A huli na lisobosono ŋa hati li Bayudaayo na ba baavele Bayudaayo ve: bo boosi Pfumu mumosi wu ubava busina bwa nde huli boosi ba bubaateele nde.

Looma 2:10

Ka Nzambi uva muyusu, likiinzu na hyenze huli pasi nde wu ubaasalila mavanga mamabwe. Hati a tsomi Bayudaayo, titswene ba baavele Bayudaayo!

Looma 8:35

Na utwala utahula bisu na litondo la Kristo? Mapasi, minyongi, mbingisili, nzala, pene, busisu vo lipfu?

Looma 9:24

Baatu mo ni bisu. Bisu ba nde hateeli, a ndulu ba ŋa hati li Bayudaayo ve, ka napa ba ŋa hati la babaavele Bayudaayo.

Ngalaatiya 3:28

A husaali na lisobosono ŋa hati li Muyudaayo na Mungeleke ve, ŋa hati li muviha na wu li bunyanga, ŋa hati li mukaasu na bahala. Benu boosi laaka mumosi mu Yisu Kristo.

2 Tesalonika 1:6

Mu mbuli, Nzambi li wu akuha. Nde ufutala munyongi huli ba bubaanyongese benu.

1 Peetelo 4:17

Tangu yimiito yi tsundusu yi ubandiha. Hati a tsomi, bu umaatsundasa ibandu hya Nzambi. Ka tso tsundusu yibandihi mu bisu baatu ba Nzambi, buni tsukusu yi uba, ŋa tsundusu yi ubwa ŋa yulu a ba bali mu uvelesa hiitu mu Musamu wu Mubwe wa Nzambi?