Looma 2:4 - Musamu wu Mubwe

⁴ Buve, we bubwe bu bunene bwa Nzambi ubaapenye, mu mukami a nde na bunene bu mutima a nde? We a hayabi ve ti bubwe bwa Nzambi buli mu ubita we hu usobo mbiili?

Looma 2:4 ပူးပေါင်းရင်းမြစ်များ

Looma 10:12

A huli na lisobosono ŋa hati li Bayudaayo na ba baavele Bayudaayo ve: bo boosi Pfumu mumosi wu ubava busina bwa nde huli boosi ba bubaateele nde.

Looma 11:22

Ni mu buuna, tsikaha bubwe bwa Nzambi na bunono bwa nde: nde li mu umwese bunono bwa nde huli ba baamiibwa, na bubwe bwa nde mu we, tso we kwilili mu bubwe mobuuna. Tso a buuna ve, sa bakese we kaka we bitabi bikima.

Looma 11:33

Ki pila bunene bu busina bwa Nzambi! Ki pila idongi hili mu nzabili na buyedi bwa nde! Na utwala ubindula maakesili ma nde? Na utwala utsikaha makani ma nde?

Looma 3:25

Ni nde Nzambi hayehuli we bungodu, mu ufwinzala mu makila ma nde, masumu ma boosi ba bubaasiila nde imiinu. Nzambi havangi buuna, mu umwese butsiitsa bwa nde, mu toni ati, mu tangu a tsomi, nde a hasyembi baatu mu masumu ma bo ve.

Looma 6:1

Buuna hima luleelaani? Bisu a benu likwilalaani mu usa masumu, mana hyese hya Nzambi hisinzafulala iteesi?

Looma 6:15

Ka buni? Bisu a benu ni libaasumahani mu toni ati a lisaali hutso Mikele ve, ka hutso a hyese hya Nzambi? Naana ubila ve!

Filiipo 4:19

Na Nzambi a me uluusa benu mu biina byosi bi benu laavele na byo, we bu hu li busina bu muyusu a nde, mu Kristo Yisu.

1 Timoteho 1:16

Ka Nzambi amiikwila me lingebe, wu uli wa tsomi mu banga masumu. Nde havangi buuna, mana nde amwese huli baatu mukami a nde. Nde avoli me we ifwani, mana bakima ba bu usa imiinu mu nde, bayaka monyi wu bilima na bilima.

1 Timoteho 6:17

Leele huli banga busina ba tsi moyiniyi, baveleba na isayi. Leele bo bavelesa hiitu hya bo mu busina bu bubaadimbala, mu toni ati, bwo a buudinga ve. Ka nyaha babaasa hiitu hya bo mu Nzambi, wu ubaava bisu byosi bi byafulala, mana bisu liba mu kinya.

1 Peetelo 3:20

Ni mavupu ma maabisi usiingala nde mu tangu a tsikulu, ŋa Nzambi hakakeele na mukami, bilumbu bi Nowa hatungi likuumbi la nzali. Mwana a baatu pwombo baakoti hutso likuumbi moliina na baafuuhi mu mamba.

2 Peetelo 1:11

Ka ni buuna Nzambi husiingasa benu kotili mu Ipfumu hi bilima na bilima, hya Pfumu na Muyobili a bisu Yisu Kristo.

2 Peetelo 3:15

Benu laafwana mu uyaba ti mukami a Pfumu a bisu, ni liyobolo la benu. Ni buuna kaka mwana a ngu a bisu wu litondo, Pahuli haleeli ŋa nde hasonihi mu tsiki yi Nzambi hava nde.

2 Peetelo 3:3

Hati a tsomi, yabaani ti mu bilumbu bya tsyelele, sa umonehele bakwedi. Bo sa baduukala mapeyu ma bo mamabi na ubaakwede benu.

2 Peetelo 3:9

Pfumu a hutaamba mu utswihasa malahi ma nde, we bu baatu bakima bali mu utsima ve. Ka nde li na mukami mu toni a benu. Nde a hatondi ti tso mumosi mu benu anyambana ve. Ka nde tondi ti baatu boosi basobo mbiili na usa imiinu hya bo mu nde.