Looma 2:27 - Musamu wu Mubwe

²⁷ Muutu wu baavelekete mu musunya, ka ubaasiingala Mikele, utsundasa we, we wu li mu usumana Mikele, tso bu we ayaaba Mikele mibaasonehe tso bu we li wu baakete.

Looma 2:27 ပူးပေါင်းရင်းမြစ်များ

Mavanga 13:22

Nzambi anyasuli Sahuli na atelimisi bo Davidi we pfumu. Nzambi atiili nde imbangi mohi: “Me miimono ti Davidi, mwana a Yese, nde li muutu wu ubaakuhasa matsimi ma mutima a me, nde sa akuhasa moosi ma litondo la me.”

Looma 13:10

Wu ubaatondo, a habaasa li libi tso limosi huli munande ve. Ni mu buuna, litondo li munande ni ukuhasa hu Mikele myosi.

Looma 2:15

Mu mbiili a bo yiina, bo bali mu umwese ti mavanga ma Mikele mili mu utuma, baasonehe mutso mitima mya bo. Tsikihili a bo yi misamu, yili mu uta imbangi. Ni bumosi kaka, matsimi ma mitima mya bo, mubaakese bo, buve mubaavolele bo milembe.

Looma 2:20

We li mu umonehele ti, we mulongisi a ba baavele na nzabili, muyihisi bibabana. Eye, we li na hiitu ti hutso Mikele, we ubaha nzaabili na imbuli!

Looma 2:25

Mu mbuli, ketili yili na tsongo mu we, tso we li mu usalila Mikele. Ka tso we li mu utsoopolo Mikele, hu li mu umwese ti we kini a baakete ve.

Looma 2:26

Tso muutu wu baavelekete li mu usalila Mikele mya Nzambi, Nzambi utwala usiinga nde we muutu wu baamiikete ve?

Looma 2:29

Ka Muyudaayo wa mbuli ni wu li wa mu tswehi, wu baakete hutso mutima, mu ketili yi Livupu la Nzambi, kini a yi baasonehe mu Mikele ve. Muyudaayo wa mbuli, ni nde wuuna wu ubaayaka muyusu wu ubaamata huli Nzambi, ka a huli baatu ve.

Looma 3:30

mu toni ati, Nzambi ndulu mosi ali! Ni nde ukuhasa ba baakete mu imiinu, na ba baavelekete mu imiinu.

Looma 8:4

Nzambi hasidi buuna, mana nde akuhasa mambu moosi ma butsiitsa ma Mikele mili mu utuma bisu. Mambu momaana, maafwana uvangama mu bisu ba laabweveledyata mu matsimi ma imuutu, ka ba lili mu udyata mu Livupu la Ngidi.

Ngalaatiya 5:14

Mu toni ati Mikele myosi mya kuukama mu dyambu limosi; ni linili: «Tondo muutu na we, we we mwakulu.»

2 Timoteho 3:15

Umata hu hati bumwana bwa we, we yabi ma baasonehe ma Ngidi. Maana moosi, ni ma mu utwala hwadisa imiinu hya we na uva we liyobolo mu Yisu Kristo.