Looma 2:17 - Musamu wu Mubwe

¹⁷ Ka we wu li mu ubula mabyoho ti we Muyudaayo, we li mu usiingama mu Mikele na we li mu unyeme ti Nzambi, Nzambi a we.

Looma 2:17 ပူးပေါင်းရင်းမြစ်များ

Luuka 10:28

Yisu aleeli nde: «We futili bubwe! Vanga buuna, na we sa baha monyi.»

Yowani 5:39

Bu benu libaatsima ubaha monyi wu bilima na bilima, benu lili mu ukengese bubwe-buwe Mabuuku ma Ngidi. Ka mo ni ma mali mu utiila me imbangi.

Yowani 5:45

A litsima ve ti me tsa kese benu huli Taata. Wu li mu ukese benu Moose, wu benu laasuusala hiitu hya benu.

Yowani 7:19

Moose aviidi benu Mikele. Ka muutu tso mumosi mu benu a hali mu ukinza myo ve. Mu hima benu lili mu usaha uduba me?»

Yowani 8:33

Bo baafutili nde: «Bisu lili ba imbisa hya Abrahami. Bisu kini a laabeedi baviha ba muutu ve. Buni we utwala uleele ti: “Benu sa liba bunyanga”?»

Yowani 8:41

Benu lili mu usa mavanga we ma taata a benu.» Bo ni uleele nde: «Bisu a lili baana ba baabuta mu mayamba ve. Bisu lili na Taata ndulu mumosi, ni Nzambi.»

Looma 2:23

We wu li mu ubinuha ti we na Mikele mya Moose, we li mu umwese Nzambi tsogni mu toni ati, we li mu uvanga ma maasoboono na ma Mikele mili mu utuma!

Looma 3:27

Toni mabyoho ma bisu ka kiyo? Naana! Yove tso mosi! Bisu libaaleele buuna mu ki toni? Mu toni ati hya tsoongo, ni uvelebweba hutsina lituma li mavanga ma Mikele, ka mu usa imiinu.

Looma 9:32

Mu ki toni? Mu toni ati bo a baakasaha uba ba butsiitsa mu imiinu ve, ka mu mavanga. Bo baayakubaana manya li libaabwisa baatu,

Ngalaatiya 2:15

Bisu a benu lili Bayudaayo ba imbutala-ngu. Bisu a lili ba mabuli ma ba baasumaha ve.