Looma 2:16 - Musamu wu Mubwe

¹⁶ Maana ni ma mu umonehele, ilumbu hi Nzambi huutsundasa matswehi ma pasi muutu, mu nduhi a Yisu Kristo, we bu Musamu wu Mubwe wu me ndi mu unzaabisa ali mu umwese.

Looma 2:16 ပူးပေါင်းရင်းမြစ်များ

Luuka 8:17

Ka pasi isiha hi hyasweme, sa himonehele ŋa liyalala. Na moosi ma maaswemene, sa mayabaana.

Yowani 12:48

Muutu wu ubaanyanza me na uvelesiinga mambu ma me, amiibaha wu utsundasa nde. Ni mikuma mi me andeele myutsundasa nde, mu ilumbu hya tsyelele.

Mavanga 10:42

Yisu atumi bisu mu ulongese Musamu wu Mubwe huli baatu. Nde atumi bisu mu usilasa ti, nde ni wu Nzambi hatsahisi mu uba nzonzi a babali monyi na babaakwa.

Mavanga 17:31

Nzambi amiisoolo ilumbu hi nde hutsundasa baatu boosi mu butsiitsa, mu nzila a muutu wu nde hamiisoolo. Nde amiimwese imbangi huli baatu boosi, ti muutu mowuna na ali, bu hamiisuula nde ŋa hati la babaakwa.»

Looma 16:25

Liyusaani Nzambi! Nde li na matwala ma uhwadisa benu mu imiinu, we bu hu li Musamu wu Mubwe wu me ndi mu undongese na wu li mu usangula Yisu Kristo, na we bu hu li nzabisili yi Nzambi hamiisa mu lahi la nde li liyobolo, we bu hu li nzabisili yi Nzambi haswehe umata beleve.

Looma 2:5

Ka mu toni a kamini mutima a we, we a hasobo mbiili ve. Buuna, we li mu ukuukaha ŋa yulu a we mwakulu kesi yinene, mu ilumbu hi Nzambi humwese kesi a nde, na tsundusu a nde ya tsiitsa.

Looma 3:6

Naana! Tso nde a hali tsiitsa ve, buni nde huutsundasa baatu ba tsi?

Ngalaatiya 1:11

Me ndeele benu lo baana ba ngu, Musamu wu Mubwe wu me umbaanzabisa benu, a hali wu matsimi ma muutu ve.

1 Timoteho 1:11

Ndongisili moyiniyi, yayelemene na Musamu wu Mubwe wu baaviidi me, wu ubaamata huli Nzambi Nga Muyusu.

2 Timoteho 2:8

Yibwala monyi mu Yisu Kristo, wu imbisa hya pfumu Davidi na wu asuuhi mu ba baakwa, we bu Musamu wu Mubwe wu me ndi mu undongese ali mu uyabisa.

2 Timoteho 4:1

Me tumi we ŋa busu bwa Nzambi, na ŋa busu bwa Yisu Kristo wu utsundasa ba bali monyi na babaakwa, bu nde hu uyamonehele mu Ipfumu hya nde.

2 Timoteho 4:8

Bunuubu, bamiiswehele me mutata a butsitsa, humbisa a mbingili a me. Pfumu, nzonzi wa tsitsa, wu utsundasa bu hwafwana, uva me mutata mo ilumbu mohiina. Nde uva mutata, ndulu a huli me ve, ka napa huli boosi ba bali na lehemene li ukeele monihili a nde.

1 Peetelo 4:5

Ka bo bu uva ikumbu huli wu amiivangama mu utsundasa bamonyi na babaakwa.

2 Peetelo 2:9

Ni mu buuna, Pfumu yaabi buni nde hu uyobolo mu malobese ba baakangama mu nde. Nde yaabi buni nde hukeelese ba bubaavanga mamabi mu usyembe bo, mu ilumbu hya tsundusu.