Looma 2:13 - Musamu wu Mubwe

¹³ Ni mu buuna, a ba bali mu uyuha Mikele bali ba baakuha ŋa busu bwa Nzambi ve, ka ni ba bali mu usalila myo, buuba ba baakuha.

Looma 2:13 ပူးပေါင်းရင်းမြစ်များ

Luuka 18:14

Yisu abweleele: «Me ndeele benu, bahala molinili afutihi hu nzo a nde, na Nzambi amoni nde wu akuha, ka a Mufarisi mowunuwu ve. Ka pasi nde wuuna wu ubaasyenoho sa bakulamasa; pasi nde wuuna wu ubaakulamana, sa basyenolo.»

Luuka 8:21

Ka Yisu afutili bo: «Ngu a me na baana ba ngu a me, ni baana boosi ba bubaayuha mambu ma Nzambi na ba bubaasalila mo.»

Yowani 13:17

Bunuubu, benu limiiyaaba lo, benu sa liba mu kinya tso benu lisalili lo.»

Mavanga 13:39

Ni mu nde pasi muutu wu ubaasa hiitu mu Yisu, amiiyaka nyahulili masumu ma nde.

Looma 10:5

Moose asonihi bunuubu, mu toni butsiitsa bu bubaamata mu Mikele: «Muutu wu li mu usalila bu huli matumili ma Mikele, sa aba monyi mu mo.»

Looma 2:25

Mu mbuli, ketili yili na tsongo mu we, tso we li mu usalila Mikele. Ka tso we li mu utsoopolo Mikele, hu li mu umwese ti we kini a baakete ve.

Looma 3:20

Ka muutu tso mumosi utwala uba wu akuha ŋa busu bwa Nzambi ve, bu nde huvanga moosi ma Mikele mili mu utuma. Mu toni ati, nzaabili masumu ubaaya mu nzila mavanga ma Mikele.

Looma 3:23

boosi baamiisa masumu na baamiivinda ukoto mu muyusu a Nzambi.

Looma 3:30

mu toni ati, Nzambi ndulu mosi ali! Ni nde ukuhasa ba baakete mu imiinu, na ba baavelekete mu imiinu.

Ngalaatiya 2:16

Bisu liyaabi ti Nzambi ni wu ubaasa ti muutu aba wu akuha mu imiinu hya nde mu Yisu Kristo. Ka a bu nde ubaaduukala Mikele mya Moose ve. Mono buni bisu Bayudaayo kaka, laamiisa imiinu mu Yisu Kristo, mana bisu liba ba baakuha mu imiinu mu nde. Bisu a lili ba baakuha ŋa busu bwa Nzambi, mu kuhisili Mikele mominimi ve. Muutu tso mumosi utwala umonehele wu akuha ŋa busu bwa Nzambi, bu nde ubaakuhasa Mikele ve.

Ngalaatiya 5:4

Benu ba libaasaha usungama ŋa miisu ma Nzambi, ndulu mu kuhisili Mikele, benu laamiitahuha na Kristo. Benu lamiipala mu lisyeme la Nzambi.

Yaki 1:27

Inzambi hi hyatsyeme na hi hyavele na tsumiili, ŋa busu bwa wu li Nzambi na Taata, ni mu ubaakumbasa bitsana na bakwili mutso minyongi mya bo. Inzambi hi hyatsyeme, ni mu uvelesumaha mu mambu mamabi ma tsi moyiniyi.

1 Yowani 2:29

Benu liyabi ti Kristo li wu akuha. Ni mu buuna, benu laafwana uyaba kaka ti, woosi wu ubaavanga mambu ma maasungama, li wu Nzambi habuta.

1 Yowani 3:7

Baana ba me, kebaani pasi muutu a hadungasa benu! Woosi wuli mu usalila butsitsa, akuha we bu Yisu ali wu akuha.