Looma 2:12 - Musamu wu Mubwe

¹² Boosi ba bubaasumaha hwavele uyaaba Mikele mya Moose, buunyambana tso bu baaveleyaaba Mikele momiina. Ka boosi ba bayaabi Mikele na bubaasumaha, buutsundasa bo mu Mikele momiina.

Looma 2:12 ပူးပေါင်းရင်းမြစ်များ

Yowani 19:11

Yisu afutili: «We a hakiba na matwala mu me ve, tso mo a mamati huli Nzambi ve. Ni mu buuna, wu yehuli me huli we, bahi toni yi lisumu li linene hwafulala we.»

Mavanga 2:23

Muutu mowunuwu baayehuli benu nde, we bu hwaba kesili a Nzambi, nde wu aba ateehele moosi uyaba. Ni benu laadubi nde. Benu ba laayehuli nde huli ba baaveleyaba Nzambi, mana bakomene nde ŋa kuruwa.

Looma 1:32

Bo bayaabi we bu hwafwana, mukele butsiitsa wa Nzambi. Baatu ba bubaasalila buuna, baahwama na lipfu. Ka bo bali mu usupaha ubaavanga ma pila moyiina, na titswene, bo bali mu usilasa kaka bavangi ba mamabi.

Looma 4:15

Mikele mibaateele kesi a Nzambi. Ka ŋa hwavele Mikele, kene mu Mikele ka yove.

Looma 8:3

Mambu ma Mikele mya Moose myakaveletwala uvanga, mu toni ikolili hi bumuutu, Nzambi avangi mo. Nde atsindihi Mwana a nde mu uba monyi mu linyutu li musunya, mana nde amaasa mukele lisumu, na uva lisumu tyembili mutso a nyutu.

Ngalaatiya 3:10

Ka babali mu usingama mu Mikele mya Moose, baamikoto mu tsingili, we bu baasonehe bunuubu: «Aba wu baasinga, woosi wu avelehwada mu usalila moosi ma baasonehe mutso muhanda Mikele.»

Ngalaatiya 3:22

Ka ma baasonehe ma Ngidi, mali mu uleele ti toto yoosi yili hutso lituma li masumu. Toto yili yi yasumaha, mana banga a imiinu mu Yisu Kristo bayaka bungodu bu Nzambi hasiidi bo lahi.

Yaki 2:10

Ka tso muutu li mu udukala mikele myosi, na bwidi ndulu mu inzandi imosi ŋa hati li mikele, nde miibwa mu mikele myosi.