Looma 2:10 - Musamu wu Mubwe

¹⁰ Ka Nzambi uva muyusu, likiinzu na hyenze huli pasi nde wu ubaasalila mavanga mamabwe. Hati a tsomi Bayudaayo, titswene ba baavele Bayudaayo!

Looma 2:10 ပူးပေါင်းရင်းမြစ်များ

Luuka 1:79

Nde kaka uyalusa ba bali mu pipidi na mu posi lipfu, mana babita bisu mu nzila a hyenze.»

Luuka 12:37

Kinya huli basalili moba ba pfumu hu uyabiisa musihi ŋa nde hu uyafutaha! Ni mbuli, mu pfutihili a nde, nde ni wu ulwata ikutu hya nde hi isalu, wu utsahisa bo ŋa metse, na usuhala bo byudya.

Luuka 19:42

Nde aleeli: «Tso we kaka beedi ayaba buni we usoolo hyenze loloyi! Ka mu tangu moyi, hyo hyasweme ŋa miisu ma we.

Luuka 22:14

Tangu bu yatoodi, Yisu atsahili ŋa metse na bilumbi.

Luuka 9:48

Na nde aleeli: «Pasi muutu wu uyaka ikenyi mohi mu nduhi a me, ni me nde ayaki. Na muutu wu miyaka me, miyaka ka wuna wu atsindaha me. Mu toni ati, wu afula bungebe ŋa hati la benu boosi, ni nde wu afula bukuutu.»

Yowani 12:26

Tso muutu tondi usalila me, nyaha nde aduukala me. Ni mubuuna, ŋa me ndi, musalili a me sa aba na me, na Taata a me sa ayusa nde.»

Yowani 14:27

«Me ndi mu utsiisa benu hyenze. Ni hyenze hya me, me ndi mu upa benu. Me a handi mu upa benu hyo, we bu baatu ba tsi bubaava ve. Nyaha mitima mya benu mivelehelene, na a liba na boomo ve.

Yowani 16:33

Me miinzabisa benu mambu momaana, mana benu likangama mu me, benu libaha hyenze. Benu sa libwana mbingisili ŋa tsi. Ka baani na ibahala! Me amimbingala tsi!»

Mavanga 10:35

Ka mu pasi tsi, Nzambi ubaayaka pasi nde wu ubaakiinza nde, na wu ubaavanga ma maasungama.

Looma 14:17

Eye, Ipfumu hya Nzambi a hili dyambu la byudya, buve la byunywa ve. Ka hyo hyakangama mu butsitsa, hyenze na kinya, bi Livupu la Ngidi libaava.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 2:7

Nzambi uva monyi wu bilima na bilima huli ba bali na mukonono wu ubaavanga mambu mamabwe. Bo bali mu usaha muyusu, likiinzu na idiingu hi hyuvelekwa.

Looma 2:9

Mapasi na minyongi byubwila boosi ba bubaasalila bubi. Hati a tsomi Bayudaayo, titswene ba baavele Bayudaayo!

Looma 5:1

Ni mu buuna, bu bisu laaka ba tsiitsa mu imiinu, bisu lili mu hyenze na Nzambi mu likumbasa la Pfumu a bisu Yisu Kristo.

Looma 8:6

Manzala ma musunya mubaabita hu lipfu. Ka usalila manzala ma Livupu, hubaava monyi na hyenze.

Looma 9:21

Muyuhi ubaayuha mu liba, bu nde atondi uyuha. Mu liba moliina, nde utwala uyuha itehili hya tsongo buve hi hyavele a tsongo.

Looma 9:23

Eye, we lima ubweleele, tso Nzambi asiidi buuna, mu umwese busina bu muyusu a nde huli bitehili bi nde hakwili lingebe. Bitehili bi nde hatswamini uvangimasa mu toni muyusu a nde.

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Ngalaatiya 5:6

Ka, mu Kristo Yisu hya tsoongo, ni imiinu hi hili mu umwese mavanga mu mukele litondo, ka a mu uba wu baakete, buve wu baavelekete ve.

Filiipo 4:7

Na hyenze hya Nzambi, hi hyalutala buyedi bwosi, hyukeelese mitima mya benu na matsimi ma benu mu Kristo Yisu.

1 Timoteho 1:17

Butsitu na muyusu biba, huli Pfumu matangu moosi! Nde wu uli Nzambi ndulu mosi, wu avelekwa, na wu bubaavelemono! Ameni!

Yaki 2:22

We li mu umono ti, imiinu hya nde hyakayene butsitsa na mavanga ma nde. Ni mu mavanga momaana, nde hakuhisi imiinu hya nde.

Yaki 3:13

Tso ŋa hati la benu na muutu nga dyele na buyedi, nde amwese bwo mu ndyatili a nde yimbwe. Nde amwese bwo kaka, mu mavanga ma kulimini na mu bulembo bwa nde.

1 Peetelo 1:7

Mapasi momaana, mali mu umwese imbuli hi imiinu hya benu. Wolo utwala ubiiya, ka bubaabwaha lo hu mbaahu, mu umono tso lo lili lilibwe. Ni bumosi kaka mu imiinu hya benu. Hyo hyafulala wolo talu, ka hyo kaka bubaalobese. Buukete imiinu hya benu mu umono tso hyo hili hihibwe. Titswene, ilumbu Yisu Kristo hu uyamonehele, benu sa liyaka muyusu, likinzu na butsitu.

1 Peetelo 5:4

Na ŋa Mukuutu babungili hu uyamonehele, benu lu uyaka mutata a muyusu, wu uvelebiya.