Looma 16:25 - Musamu wu Mubwe

²⁵ Liyusaani Nzambi! Nde li na matwala ma uhwadisa benu mu imiinu, we bu hu li Musamu wu Mubwe wu me ndi mu undongese na wu li mu usangula Yisu Kristo, na we bu hu li nzabisili yi Nzambi hamiisa mu lahi la nde li liyobolo, we bu hu li nzabisili yi Nzambi haswehe umata beleve.

Looma 16:25 ပူးပေါင်းရင်းမြစ်များ

Mavanga 20:32

Na bunuubu, me nzyehuli benu ŋa myoho mya Nzambi, na mu lituma li Musamu wu Mubwe wa pfuuhili. Nde na matwala ma uhwadisa benu mu imiinu, na uva benu mukobe wu nde haswehele boosi ba baakangama mu nde.

Mavanga 9:20

Ni mu tangu moyina, Sahuli habaandihi ulongese Tsangu Yimbwe mu manzo ma masambulu ma Bayudaayo. Na nde akayabisa ti Yisu ni Mwana a Nzambi.

Looma 11:25

Baana ba ngu, me tondi ti benu liyaaba matswehi ma Nzambi momanima, mana benu a libaamonehele we bangeele: kabu limosi la baatu ba Isereli sa likwilala hutso a dungili, nate bu boosi ba bali bangoyi buuyaka liyobolo.

Looma 14:4

We na li, we wu li mu utsuundasa musalili a wuna? Tso nde li wu abama mu isalu, tso nde bwidi, liina lili mu utala pfumu a nde. Ka nde ukwilala wu abama, mu toni ati Pfumu li na matwala ma usika nde.

Looma 16:24

Nyaha hyese hya Pfumu a bisu Yisu Kristo hiba na benu boosi! Ameni!

Looma 2:16

Maana ni ma mu umonehele, ilumbu hi Nzambi huutsundasa matswehi ma pasi muutu, mu nduhi a Yisu Kristo, we bu Musamu wu Mubwe wu me ndi mu unzaabisa ali mu umwese.

Ngalaatiya 2:2

Me anzyeni huuna mu nzabisili yi Livupu. Me anzaabisi bo Musamu wu Mubwe, wu me umbandongese ŋa hati la ba baavele Bayudaayo. Me ambahi imoho hya ŋa muvanga, na ba baakomo hutso libundu. Titswene, me a hantondi ve ti isalu hi me atsidi hu tsomi, na hi me ndi mu utsa loloyi, hiba hya mupu.

1 Tesalonika 3:13

Nyaha nde ahwadisa mitima mya benu, mana benu liba bangidi, ba baavele masyembo ŋa busu bwa Nzambi taata bisu, ŋa Pfumu a bisu Yisu huuya na bapofi ba nde boosi. Amen!

2 Tesalonika 2:14

Mu ukuhasa dyambu moliina, Nzambi ateele benu mu nzila a Musamu wu Mubwe wu bisu laayabisi benu. Nzambi hateele benu, mana benu liyaka muyusu a Pfumu a bisu Yisu Kristo.

2 Tesalonika 3:3

Ka Pfumu li nga imbuli. Nde sa ahwadisa benu na nde sa akeelese benu ŋa busu bu Muboho.

2 Timoteho 1:9

Nde ni wu ayobolo bisu, na wu ateele bisu mu mbila ya ngidi, a mu toni mavanga ma bisu mamabwe ve, ka mu toni a kesili a nde mwakulu na mu toni bubwe bwa nde. Nde asa bisu kolo-kolo a nde mu Yisu Kristo, tswamina mbandili a tangu.

2 Timoteho 2:8

Yibwala monyi mu Yisu Kristo, wu imbisa hya pfumu Davidi na wu asuuhi mu ba baakwa, we bu Musamu wu Mubwe wu me ndi mu undongese ali mu uyabisa.

Tiite 1:2

Me ndi mu unzabisa bo imbuli, mana bo baba na hiitu hi ubaha monyi wu bilima na bilima wu li mu Nzambi. Monyi mowuna, Nzambi wu ubaavelepfuta, asiidi bisu lahi umata pangili a tsi.

1 Peetelo 1:20

Nzambi asooli nde tswamina paangili a tsi, na mu libwe la benu, nde ayabisi benu Kristo mu tangu mo ya tsyelele yi.

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.