Looma 16:18 - Musamu wu Mubwe

¹⁸ mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili.

Looma 16:18 ပူးပေါင်းရင်းမြစ်များ

Yowani 12:26

Tso muutu tondi usalila me, nyaha nde aduukala me. Ni mubuuna, ŋa me ndi, musalili a me sa aba na me, na Taata a me sa ayusa nde.»

Looma 14:18

Ni buuna, woosi wu ubaasalila Kristo mu biteesi mobiina, li wu mubwe ŋa busu bwa Nzambi, na baatu bubaasilasa nde.

Looma 16:19

Ka uto ti benu, boosi bayaabi lisiingala la benu mu Pfumu. Me ndi mu kinya mu benu. Ka me tondi ti benu liba banga a tsiki mu uvanga ma mabwe, na uba ba baatsyeme mu mitima mu ubata ma mabi.

Ngalaatiya 1:10

Na bunuubu, benu litsimi ti me ndi mu utsaha ti baatu basilasa me? Naana! Nzambi ni wu afwana usilasa me. Benu lili mu utsima ti me na nzala umonehele wu mubwe ŋa hati la baatu? Naana! Tso me ndi mu utsaha ti baatu bakubala me tsambi, me a hakiimba musalili a Kristo ve.

Filiipo 2:21

Mu toni ati, boosi ubaavangimasa ndulu kaluha a bo mwakulu, hwavele uvangimasa ma Yisu Kristo ali mu utondo ti bo bavangimasa.

Filiipo 3:19

Hu tsukusu idiingu hya bo, Nzambi ubungasana bo, mu toni ati, bo ubaasaha uywatisa mapeyu ma bo ma musunya. Bo bali mu usuusa muyusu a bo mu moosi ma mubaamwese bo tsonyi. Bo ubaatsima ndulu mu bisiha bi idiingu hya ŋa toto.

2 Tesalonika 2:10

Nde usalila bubi bwa pila mu pila, mu usoho boosi ba buudunga. Bo buudunga mu toni ati, bo a baayaka tso utondo imbuli hi hyuyobolo bo ve.

1 Timoteho 6:5

Mo mubaabehe kaka ukakana hu hwavelefwa, ŋa hati la baatu banga buyedi bu bwatengeme. Bo a baabweyaba imbuli ve. Bo bubaatsima ti imiinu mu Nzambi, ni nzila yi ubahila busina.

Yaki 1:1

Me Yaki, musalili a Nzambi na wa Pfumu Yisu Kristo, ndi mu upa bwehe huli bibandu kumi na byole, bi byatsamuha mu matsi moosi.

2 Peetelo 2:3

Mu toni linyungi la mbongo, bo sa basoho benu mu bitoyili bya bo bi mapfuta. Ka tsundusu a bo, umata beleve, yamiitswiha. Na ndungili yili mu ukete bo.

Yude 1:1

Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.

Yude 1:12

Baatu mobaana, bubaayungasa na bubaabiyasa mikuungi mya benu mi udya, mi itwadi hya baana bangu. Bo bubaadya itwadi na benu hwavele buyumu, na bo ubaatsima ndulu bo mwakulu. Bo bali we mayidu ma maleme, ma mavelenohese mvula, ma bifula bibaabita. Bo bali we miti mi myavelebuta mbutu, tso ŋa mwanga. Na bu bamitupala myo, myo mibaakwa kwa yoole.

Yude 1:16

Baatu mobaana a bubaaba na kinya ve, bo bali mu uŋono tangu yoosi mu idiingu hya bo. Bo bali mu udukala manzala ma linyungi la bo. Minywa mya bo mili mu upalisa mambu ma nyehe, ma usohese baatu mu ubaha kaluha.