Looma 15:19 - Musamu wu Mubwe

¹⁹ mu matwala ma biliimbu bya kimwili, na bipadi, mu matwala ma Livupu la Nzambi. Mono buni me anzaabisi we bu hwafwana Musamu wu Mubwe wa Kristo, mu ubaayene matsyelo moosi, umata musyenge a Yeruselemi nate hu itanzi hya Iliriya.

Looma 15:19 ပူးပေါင်းရင်းမြစ်များ

Yowani 4:48

Yisu aleeli nde: « Tangu yoosi, benu ubaasaha umamono biliimbu bya kimuhili na bipadi, mu usiila me imiinu.»

Mavanga 1:8

Ka benu lu uyaka matwala, bu Livupu la Ngidi lukulamana ŋa yulu a benu. Benu lu uba bambangi ba me mu Yeruselemi, mu itanzi hya Yuda hyosi na hya Samariya, nate hu hwasuka toto.»

Mavanga 13:14

Bo bamata hu Perege, bo baaduukili nzila a bo na baayato hu musyenge a Antyokya ya Pisidiya. Mu ilumbu hya saba, bo baakoti mu nzo lisambulu yi Bayudaayo na baatsahili.

Mavanga 13:51

Pahuli na Baranabasi baakubili bo mufundu a miilu mya bo mu uyibusa bo, na baayeni hu Ikoniwumi.

Mavanga 14:10

Pahuli atumi nde mu mifudi: «Teleme! Na sungama mu miilu mya we!» Bahala molinili laadambuhi na laatakuli.

Mavanga 14:20

Ka bu bayihi baadiingi nde, Pahuli atelimi na afutihi hutso musyenge. Ilumbu hi hyaduuki, Pahuli na Baranabasi baayeni hu musyenge a Derebe.

Mavanga 14:25

Bo balongisi mambu ma Nzambi hu musyenge a Perege, na bo baakulimini nate ŋa ngulu yi makuumbi ma nzali mabaatsikama, hu Ataliya.

Mavanga 14:6

Ka bu bo baayabi lo, bo baabati hu tsyelo a Lisitele na Derebe, misyenge mya itanzi hya Likawoni, na mala ma bibiingi bya mo bina.

Mavanga 15:12

Na baatu boosi baasi swii. Buuna, Pahuli na Baranabasi baakayabisa bo bilimbu bya kimwili, na bipadi bi bo baasiidi mu matwala ma Nzambi, ŋa hati la ba baavele Bayudaayo.

Mavanga 16:18

Nde akasa buuna, bilumbu bibilahi. Hu tsyelele, Pahuli afwengi na akinguhi mu uleele huli livupu moliina: «Mu nduhi a Yisu Kristo, me miituma we mu upala mu nuumba moyiniyi!» Masulubete, livupu laapali mu nyutu a nde.

Mavanga 17:10

Bu busi bwayili, baana ba ngu baatsindihi Pahuli na Silaasi hu musyenge a Beere. Bu baayato huuna, bo baayakoto hu nzo lisambulu yi Bayudaayo.

Mavanga 17:15

Ba baakabita Pahuli, baayeni na nde nate hu musyenge a Atenesi. Titswene, mu tumili a Pahuli, bo baafutihi hu Beere, mana baleele Silaasi na Timoteho bayabiisala nde mu mawasa hu musyenge mowuna.

Mavanga 18:1

Humbisa a maana, Pahuli amati hu Atenesi na ayeni hu Koliinto.

Mavanga 18:19

Bu bo baayato hu musyenge a Efeso, Pahuli asiisi bambaahi ba nde ba mudyenge, Pilisile na Akilasi. Ni huuna, nde hakoti mu nzo lisambulu yi Bayudaayo, mu umoho na Bayudaayo.

Mavanga 19:1

Bu Apoloosi haba hu musyenge a Koliinto, Pahuli ataatili itanzi hi bisyelo bya hu Asiya na atoodi hu musyenge a Efeso. Huuna, nde abwani na mwana a kabu li bayihi.

Mavanga 20:20

Benu liyabi ti, me a hatswehe benu pasi dyambu lili kiiba tsoongo mu benu ve. Me anzaabisi na ulongese benu moosi ŋa kuungi la baatu, na mutso manzo ma benu.

Mavanga 20:6

Buuna, humbisa mukungi mapa ma maaveledaana, bisu laakoti likuumbi la nzali ŋa ngulu makuumbi ya hu musyenge a Filipo. Humbisa bilumbu bitaanu, bisu laabiisili ba baatswamini bisu hu musyenge a Tolowasi. Ni huuna, bisu laavyosi bilumbu tsaambu.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 15:16

mu uba musalili a Yisu Kristo huli ba baavele Bayudaayo. Me ndi mu utsa isalu hya nganga a Nzambi, hi uyabisa Musamu wu Mubwe a Nzambi, mana ba baavele Bayudaayo bakituha bungodu bu bubwe, bu Nzambi husilasa, bu baamiisyeme mu matwala ma Livupu la Ngidi.

Looma 15:24

na me tondi usa buuna ŋa me unzyene hu Esipanye. Mu toni ati, me na hiitu hi umono benu ŋa me upyoho na uyaka likumbasa la benu mu mudyenge mu tsi moyiina, humbisa utsahala na benu mu mwa bilumbu.

Ngalaatiya 3:5

Ni buuna, Nzambi wu ava benu Livupu la nde na wu li mu uvanga bipadi ŋa hati la benu, a hali mu ukuhasa maana mu toni ati benu lili mu udyata hutso Mikele mya nde ve. Ka mu toni, ati benu lili mu usa imiinu mu Musamu wu Mubwe.

1 Tesalonika 1:5

mu toni ati ndongisili a bisu yi Musamu wu Mubwe huli benu ndulu a mu mikuma ve. Ka ndongisili a bisu yaaba yi matwala, mu itwadi hi Livupu la Ngidi, na hiitu hyosi. Benu layaaba buni mbiili a bisu yaaba ŋa hati la benu, mu libwe la benu.

2 Timoteho 4:17

Ka Pfumu ni wu avolili me milembe. Nde aviidi me mifudi, mana me twala uyabisa bo Musamu wu Mubwe, mana baatu ba matsi ma bangoyi kaka bayuha nde. Na nde ayobili me mu munywa a kosi.

1 Peetelo 1:12

Mambu ma Nzambi hayabisi bo ni manima: malumbi ma bo baakatoosele, a maba mu toni a bo ve, ka mu toni a benu. Bunuubu, ba bali mu uyabisa Musamu wu Mubwe, baatoosili benu malumbi momaana mu matwala ma Livupu la Ngidi, libaatsindihi umata hu yulu. Bapofi bo mwakulu kaka, bubaatoondo uyaba mambu momaana.