Looma 15:18 - Musamu wu Mubwe

¹⁸ Ka tso me utwala undeele dyambu, ndulu ni mu li Kristo hasalila mu me, mu ubehe ba baavele Bayudaayo mu usiingala Nzambi. Nde hakuhasa lo, mu mambu ma maapala mu munywa a me na mu mavanga ma me,

Looma 15:18 ပူးပေါင်းရင်းမြစ်များ

Mavanga 14:27

Bu bo baatoodi hu musyenge a Antyokya, baakuukihi libundu. Baayabisi bo mambu ma Nzambi havangi mu mambuha moosi ma bo baaba. Na buni Nzambi hadibuli huli ba baavele Bayudaayo, nzila yi usa hiitu mu Pfumu.

Mavanga 15:12

Na baatu boosi baasi swii. Buuna, Pahuli na Baranabasi baakayabisa bo bilimbu bya kimwili, na bipadi bi bo baasiidi mu matwala ma Nzambi, ŋa hati la ba baavele Bayudaayo.

Mavanga 15:4

Bu bo baatoodi hu Yeruselemi, libundu li Bakristo loosi, bilumbi na bakuutu ba libundu, baayaki bo. Pahuli na Baranabasi baayabisi bo moosi ma Nzambi havangi mu nzila na bo.

Mavanga 21:19

Pahuli ayava bo mabwehe. Humbisa, nde ayabisi bo moosi ma Nzambi havangi ŋa hati la ba baavele Bayudaayo.

Mavanga 26:20

Ka me anzaabisa Musamu wu Mubwe, tsomi huli bisu Damaseko, bisu Yeruselemi, ba itanzi hya Yuda yoosi na ba matsi makima. Me ateele bo mu usobo mbiili. Bo bakiinguha huli Nzambi, na umwese mu mavanga tsobiili moyina.

Looma 1:5

Ni mu toni a Yisu, Nzambi haviidi me hyese hyuba ilumbi hya nde. Mu ubita baatu ba bibandu byosi, mana basiila nde imiinu na basiingala nde.

Looma 16:26

Bunuubu, lahi mo li liyobolo limiimonehele pa yalala, mu nzila mabuuku ma mimbihuli we bu hu li tumili a Nzambi wu avele na tsukusu, lahi mo laamiimonehele mu mabuli makima ma toto yoosi, mana mo masiila nde imiinu na masiingala nde.

Looma 6:17

Ka lifutalaani matondo huli Nzambi! Benu ba laabeedi hu tsikulu baviha ba masumu, bunuubu benu limiisiingala mu mutima woosi Mikele mya ndongisili yi benu laayaki.

Ngalaatiya 2:8

Nzambi wu ateeli Peetelo mu uba ilumbi hya nde huli buli la ba baakete, ateeli kaka me, mana me mba ilumbi hya nde huli bangoyi.

2 Tesalonika 2:17

baluusa mitima mya benu mu ibahala! Nyaha bava benu kaka mifudi mi ubaavanga ma mabwe tangu yoosi. Na nyaha mambu ma mali mu upala mu minywa mya benu maba mambu ma lisuunga!

Yaki 1:22

Basalilaani we bu mambu ma Nzambi mali mu uleele benu. A liba ndulu bayuhi ve. Benu livelesalila mo, benu lu upfuta benu mwakulu.

1 Yowani 3:18

Baana ba me, a libaani na litondo ndulu li bibodu na bileedi bibibwe ve. Ka mwesaani litondo la mbuli li libaamonehele mu mavanga.

Yude 1:9

Tso mukuutu bapofi Mikayeli, a hasa buuna ve. Mu tangu yi nde hakasa litsotso na Satana mu tonyi a mvumbi a Moose, Mikayeli a hakesili nde tsyembili bituhi ve. Ka ndulu nde aleeli bunubu: «Nyaha Pfumu asyembe we!»