Looma 14:17 - Musamu wu Mubwe

¹⁷ Eye, Ipfumu hya Nzambi a hili dyambu la byudya, buve la byunywa ve. Ka hyo hyakangama mu butsitsa, hyenze na kinya, bi Livupu la Ngidi libaava.

Looma 14:17 ပူးပေါင်းရင်းမြစ်များ

Luuka 14:15

Muutu mumosi mu ba baaba mu udya ŋa metse amana uyuha, ni uleele Yisu maambu momanima: «Kinya yili huli muutu wu udya mu mukungi ipfumu hya Nzambi!»

Yowani 16:33

Me miinzabisa benu mambu momaana, mana benu likangama mu me, benu libaha hyenze. Benu sa libwana mbingisili ŋa tsi. Ka baani na ibahala! Me amimbingala tsi!»

Yowani 3:3

Yisu afutili nde bunuubu: «Mu mbuli, mu mbuli me ndi mu undeele we, muutu utwala umono ipfumu hya Nzambi ve, hwavele ubwebuta nde.»

Yowani 3:5

Yisu afutili nde bunuubu: «Mu mbuli, mu mbuli me ndi mu undeele we, hwavele ubuta muutu mu mamba na mu Livupu, nde utwala ukoto mu ipfumu hya Nzambi ve.

Mavanga 13:52

Ka bayihi ba Pfumu hu Antyokya, baaluuli mu kinya na mu Livupu la Ngidi.

Mavanga 9:31

Libundu laaba mu hyenze mu bitanzi byosi bya Yuda, bya Ngalili, na bya Samariya. Livupu la Ngidi laakakulasa libundu mu hiitu, na mu likinzu la Pfumu. Litangu la banga hiitu laabwefulala bulahi mu likumbasa li Livupu la Ngidi.

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 8:6

Manzala ma musunya mubaabita hu lipfu. Ka usalila manzala ma Livupu, hubaava monyi na hyenze.

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Filiipo 2:1

Kristo li mu uva benu ibahala hi hyafulala. Litondo la nde libaava benu kwadisili na Livupu la nde libaatuunga itwadi hya benu. Benu laaluula mu litondo na kwili lingebe bana mu bana. A ni buuna ve?

Filiipo 3:3

Bisu ni ba Nzambi ubaamono ti bisu laamilwata iliimbu hya ba Mukristo ba mbuli. A bo ve! Bisu lili mu uyusa Nzambi mu likumbasa li Livupu la nde. Bisu lili na nyeme mu Yisu Kristo, na hiitu hya bisu, a hili mu bi muutu hu utwala uvanga mu mifudi mya nde mwakulu ve.

Filiipo 3:9

Me atsiidi buuna, mana bayabiisa me wu akangama mu nde mu butsiitsa bu imiinu mu Kristo. A mu butsitsa bwa me, bu buumata mu Mikele ve. Ka mu imiinu hi hyasiingama mu Kristo, me umba butsitsa. Ni butsiitsa bu buumata huli Nzambi.

Filiipo 4:4

Baani na kinya tangu yoosi mu Pfumu! Me pfutahala: baani na kinya!

Filiipo 4:7

Na hyenze hya Nzambi, hi hyalutala buyedi bwosi, hyukeelese mitima mya benu na matsimi ma benu mu Kristo Yisu.

1 Tesalonika 1:6

Benu laduukala ifwani hya bisu na hya Pfumu. Mu tangu moyiina, benu laamono mapasi ma manono, ka benu laayaka Mambu ma Nzambi na kinya yi Livupu la Ngidi.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

1 Peetelo 1:8

Benu laatondo Yisu, tso bu benu laavelemono nde. Benu libaasiila nde imiinu, tso bu benu laamaavelemono nde. Ni mu toni imiinu hya benu mu nde, benu lili mu kinya yi yafulala, yi muyusu, yi bu uveletwala uyelemese.

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.