Looma 14:14 - Musamu wu Mubwe

¹⁴ Mu Pfumu Yisu, me nzaabi mu tsiki yoosi ti a hu li na isiha hi baasa ngidi mu hyo mwakulu ve. Ka tso muutu tsimi ti hu li na isiha hi baasa ngidi, buuna hyo hili hi baasa ngidi mu nde.

Looma 14:14 ပူးပေါင်းရင်းမြစ်များ

Mavanga 10:28

Nde aleeli bo: «Benu liyabi ti mikele mya bisu myasa itombi huli Muyudaayo mu ubaambana na mwenyi, buve mu ukoto mu nzo a nde. Ka Nzambi amwese me ti, me a hapfwana umono muutu tso mumosi ti nde ibaabi ali ve, buve wu avele wa ngidi.

Looma 14:2

Ni mu buuna, imiinu hya muutu mumosi hibaabita nde mu udya byosi bi bubaadya. Ka mukima wu akolo mu imiinu, ubaadya ndulu musooso.

Looma 14:20

A haduba isalu hya Nzambi mu toni a byudya ve. Eye, byudya byosi bili bi byatsyeme. Ka ni bubi huli muutu, tso nde diidi isiha hi hyudungasa mwana a ngu nzila a Nzambi buuve yi imiinu.

Looma 14:23

Ka wu li na matsika mu byudya, Nzambi amiisyembe nde. Mu toni ati, mbiili a nde a yaayelemene na imiinu hya nde ve. Na liyaabi ti, mambu moosi ma muutu ubaavanga, maveleyelemene na imiinu hya nde, mali masumu.

1 Timoteho 4:4

Byosi bi Nzambi havanga bili bibibwe. A huli na tso imosi hi ubisa ve. Pungu ati, tso bisu lidiidi, libaadya byo na pfutili matondo huli Nzambi.

Tiite 1:15

Byosi bili bi byatsyeme, huli ba bali batsyeme. Ka isiha tso imosi a hili hi hyatsyeme, huli ba baasumaha na ba baavelesa hiitu ve. Mu tonyi ati, buyedi bwa ba baasumaha na matsimi ma mitima mya bo, bili bi byasumaha.