Looma 13:11 - Musamu wu Mubwe

¹¹ Bu benu liyaabi mu ki tangu bisu a benu laaka, yiniyi ka ni tangu huli benu mu usuuha hutso a tolo. Nziili a Yisu yaamiifula bebele, na ŋa bisu a benu laasidyani imiinu.

Looma 13:11 ပူးပေါင်းရင်းမြစ်များ

Luuka 21:28

Na bu misamu mominimi myubaandiha uvangama, hwadaani mutele na suulaani mutswe, mu toni ati liyobolo la benu lika bebele.»

Yaki 5:8

Benu kaka, susaani pumi, hwadisani mitima, mu tonyi ati, pfutihili a Pfumu yaka bebele.

1 Peetelo 4:7

Tsukusu a tsi yika bebele. Ni mu buuna, baabaani na mbiili ya tsiki na likanda, mana benu libaatwala usambila.

2 Peetelo 3:11

Mu toni ati bisiha byosi sa bidimbala, yabaani buni benu lafwana mu udyata! Mbiili a benu yafwana uba ya ngidi na yi Nzambi hatondo.

2 Peetelo 3:9

Pfumu a hutaamba mu utswihasa malahi ma nde, we bu baatu bakima bali mu utsima ve. Ka nde li na mukami mu toni a benu. Nde a hatondi ti tso mumosi mu benu anyambana ve. Ka nde tondi ti baatu boosi basobo mbiili na usa imiinu hya bo mu nde.

1 Yowani 2:18

Baana ba me, yiniiyi ni tangu a tsyelele. Benu laayuhi ti, muboho a Kristo mu uya ali. Ka bunuubu, baboho ba Kristo babalahi baamiimonehele. Ni mu buuna, bisu liyabi ti bisu laaka mu tangu a tsyelele.