Looma 12:8 - Musamu wu Mubwe

⁸ Wu li na bungodu bu uhwadisa bana mu mavanga ma mabwe, nyaha abaahwadisa bo. Wu li na bungodu bu ukaba, nyaha abaasalila bwo mu mutima wu mubwe. Wu li mu utuma, nyaha abaatuma na lehemene loosi. Wu li mu ukumbasa nga puumbu, nyaha abaakumbasa na kinya.

Looma 12:8 ပူးပေါင်းရင်းမြစ်များ

Mavanga 11:23

Bu nde hayato huuna, nde amoni buni Nzambi hasyemi ba baasiili nde hiitu. Nde amoni kinya na ahwadisi bo boosi mu ukangama na hiitu hyosi mu Pfumu.

Mavanga 13:12

Bu pfumu hamoni ma maavyohi, nde asooli nzila a Kristo. Ndongisili yi baasiili nde mu toni a Pfumu, yakotilili nde mu mutima.

Mavanga 13:15

Bakuutu ba nzo lisambulu yi Bayudaayo baataangi mambu ma ilumbu mu mikele mya Moose, na mu mabuuku ma mimbihuli. Titswene, baatsindihi muutu mu uleele bo: «Baana ba ngu a me, tso benu na mambu ma uyabisa huli libundu mu uhwadisa lo, leelani.»

Mavanga 15:32

Yude na Silaasi, ba baaba mimbihuli bo mwakulu, baatoyi bulahi na baana ba ngu, mu uhwadisa bo na uva bo mifudi mu imiinu.

Mavanga 20:2

Nde akataangila itanzi mohina, na akahwadisa banga hiitu. Titswene nde ayeni hu tsi a Ngerese.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 4:36

Hwaba na muutu mumosi nduhi Yosefi, wu baabuti hu iliiŋa hya Kipere, wu ibandu hya Levi. Bilumbi byakateele nde Baranabasi, mbindulili a nduhi ti: «wu ubaabombesele».

Looma 12:13

Baakumbasaani baana ba ngu ba bali na nzala likumbasa, na baayakaani bubwe tangu yoosi, ba bali mu uya mu manzo ma benu.

Looma 13:6

Ni mu buuna kaka, benu libaafuta limandu. Mu toni ati bakambi ba limandu bali hutsina lituma la Nzambi mu uvangimasa bu hwafwana iteesi mohiina.

1 Tesalonika 2:3

Mambu ma bisu laakalongese a maaba ma mapfuta, buve ma soho ve, na bisu a laakasaha usoho tso muutu mumosi ve.

1 Tesalonika 2:8

Bisu laatondo benu mu itesi hi ulongese benu Musamu wu Mubwe wa Nzambi. Litondo moliina laamiivangimasa bisu mu uva kaka muvumu a bisu mwakulu. Benu laaba na talu yi yafulala ŋa busu bwa bisu!

1 Timoteho 4:13

Tswamina me nza, hwada mu utangila libundu mambu ma Nzambi, mu uhwadisa lo na mu ulongese lo.

1 Timoteho 5:17

Bakuutu ba libundu ba bubaatuma libundu bubwe, baahwama na pfuta yole. Hwavele uvusana ba bali na isalu hi inene hi utanga mambu ma Nzambi, na ulongese bambaahi.

1 Timoteho 6:18

Tuma bo babaavanga mamabwe, bo baba bisina mu mavanga mamabwe, mu umonehele banga a lehemene li ukabila bana.