Looma 12:7 - Musamu wu Mubwe

⁷ Tso mukima li na bungodu bu usalila bana, nyaha abaasalila. Wu li na bungodu bu ulongese, nyaha abaalongese.

Looma 12:7 ပူးပေါင်းရင်းမြစ်များ

Yowani 3:2

Nde ayamono Yisu hutso butsuhu na aleeli nde bunuubu: «Rabi, bisu liyaabi ti we ni wu Nzambi hatsindaha mu ulongese bisu. Mu toni ati, muutu tso mumosi utwala usa biliimbu bya kimuhili bi we li mu usa, tso Nzambi a hali na nde ve.»

Mavanga 13:1

Mu tso libundu la Antyokya, hwaba na mimbihuli na milongisi: Baranabasi, Simehoni wu baakateele «Mupindi», Lukiyusi musi Kilene, Manaheni mbahi a Eloode wu bukenyi, wu akatuma itanzi hya Ngalili, na Sahuli.

Mavanga 20:20

Benu liyabi ti, me a hatswehe benu pasi dyambu lili kiiba tsoongo mu benu ve. Me anzaabisi na ulongese benu moosi ŋa kuungi la baatu, na mutso manzo ma benu.

Mavanga 20:28

Kebaani, mu toni a benu mwakulu, na mu biboodi bi Livupu la Ngidi haava benu mu ukeelese. Baani bakeelisi ba biboodi bababwe ba libundu li Nzambi hasumbi, mu lipfu la Mwana a nde mwakulu.

Mavanga 6:1

Mu bilumbu mobiina, litangu li bayihi laakapfuna, Bayudaayo ba baakayambila ndaha a Bangeleke, baakaŋono. Bo baakaŋono mu toni ati, pasi ilumbu, mu tangu a kabili a byudya, Bayudaayo ba baakayambila Ibeleho, baakafumbasa bakwili ba bo ba bakaasu.

Ngalaatiya 6:6

Nyaha muutu wu bamiilongese mambu ma Nzambi, akaba bi nde ali na byo na mulongisi a nde.

1 Timoteho 2:7

Ni mu buuna, Nzambi hasoolo me, mu uba mulongisi na ilumbi huli ba baavele Bayudaayo. Nzambi hasoolo me, mu ulongese bo musamu wu imiinu hya mbuli. Me a ndi mu upfuta ve, ka ndulu imbuli me ndi mu undeele.

1 Timoteho 3:2

Mutumi libundu afwana uba wu avele masyembo, mulumi a mukaasu mumosi, nga mbiili yi yasungama, nga tsiki, nga butsitu na wu akuha. Nde afwana uba muyaki a byenyi na wu utwala ulongese libundu.

1 Timoteho 4:16

Kelese bubwe-bubwe nyutu a we mwakulu, na ndongisili a we, mana we kwilala mu maana moosi. We uvanga buuna, Nzambi uyobolo we na boosi ba bubaayuhala we.

1 Timoteho 5:17

Bakuutu ba libundu ba bubaatuma libundu bubwe, baahwama na pfuta yole. Hwavele uvusana ba bali na isalu hi inene hi utanga mambu ma Nzambi, na ulongese bambaahi.

2 Timoteho 2:2

Buuna, ndongisili yi we ayuhi huli me, ŋa busu bu bambangi babalahi, tosele yo huli baatu ba lisunga, mana bo kaka batwala ulongese yo huli bakima.

2 Timoteho 2:24

A hwafwana huli musalili a Pfumu mu uba na mikaakunu ve. Ka nde afwana uba nga isusi ŋa busu bwa baatu boosi. Muutu wu utwala ulongese, na ukunda mamabi moosi ma baatu bu uleele mu nde.

2 Timoteho 4:2

Yabisa Mambu ma Nzambi, na mukonono, tso mu tangu yimbwe, tso mu tangu yimbi. Pamina, syembe, hwadisa baatu na kwilala mu ulongese bo na mukami woosi.