Looma 12:3 - Musamu wu Mubwe

³ Mu toni bungodu bu Nzambi hava me mu bubwe bwa nde, me ndi mu upondo huli pasi nde mu benu, mu uveletsima ti nde alutaala bana. Ka nyaha pasi muutu mu benu aba we bu huli iteesi hya kabu li imiinu hi Nzambi hava nde.

Looma 12:3 ပူးပေါင်းရင်းမြစ်များ

Luuka 18:11

Mufarisi akasambila mutele hutso mutima a nde bunuubu: “Nzambi a me, me ndi mu upfutala we matondo, bu me apele we baatu bakima: ba bali bayibi, bababi, na banga mayamba. Baatu mobaana bali we mukambi limandu mowunuwu.

Yowani 3:34

Muutu wu Nzambi hatsindaha, ubaaleele mambu ma Nzambi. Mu toni ati, Nzambi ubaava nde Livupu mu iteesi hi hyafulala.

Looma 1:5

Ni mu toni a Yisu, Nzambi haviidi me hyese hyuba ilumbi hya nde. Mu ubita baatu ba bibandu byosi, mana basiila nde imiinu na basiingala nde.

Looma 11:20

Ni buuna hwa nde. Baakesi byo, mu toni a pelili imiinu hya byo. Na baanamiha we, mu toni imiinu hya we. Ka a hasa nyeme! Homo ba na boomo!

Looma 11:25

Baana ba ngu, me tondi ti benu liyaaba matswehi ma Nzambi momanima, mana benu a libaamonehele we bangeele: kabu limosi la baatu ba Isereli sa likwilala hutso a dungili, nate bu boosi ba bali bangoyi buuyaka liyobolo.

Looma 12:16

Baani mu hyenze ŋa hati la benu. A liba na peyu mu bi byasyenoho ve, ka baasahaani bi byavelemonehele ŋa miisu ma baatu. A limonehele we bangeele benu mwakulu ve.

Ngalaatiya 6:3

Tso muutu li mu unyeme mu biita la nde, hwavele uba na tsongo, nde li mu upfuta nde mwakulu.

Filiipo 2:13

Ka ni Nzambi li mu uva benu matwala ma ukana na uvangimasa mambu, we bu hu li litondo la nde.

1 Timoteho 1:14

Pfumu a bisu amiipuhala hyese hya nde mu me, mu iteesi hi hyafulala. Nde akumbisi me mu usa imiinu mu nde, na mu utondo bana. Maana moosi mu ubaayelemene, mu toni a bu me akangama mu Yisu Kristo.

1 Timoteho 2:15

Ka mukaasu hu uyoboho, ŋa nde hu ubuta baana, tso nde kwilili mu imiinu, mu litondo na mu piili linyutu, na mu umwese mbiili yi yibaava muyusu huli Nzambi.

1 Timoteho 2:9

Me tondi kaka ti, bakaasu babaalwata bu hwafwana. A mu toni umonehele ve, ka mu butsitu bwosi. Bakaasu a bafwana uyolo linyutu la bo mu mivanda, mu wolo, mu bilunga na milwatu mya talu ve.

Tiite 2:12

Liyobolo mo lili mu ulongese bisu mu uveletahuha na Nzambi, na ubisa linyungi. Bisu livanga buuna mu tangu moyiniyi, bisu luuba na idingu hya tsiki, hya tsitsa na hi likinzu mu Nzambi.

Tiite 2:2

Leele huli babahala ba baakula, baba na mbiili yi yasungama na yi butsitu. Bo baafwana uba na tsiki, babaahwada mu imiinu, na mu litondo, na mu mukami.

Tiite 2:4

mana banumba batondo balumi na baana ba bo.

Tiite 2:6

Ni bumosi, hwadisa ka pfudu-mbahala, mana baba na tsiki mu bitoyili bya bo.

Yaki 4:6

Ka hyese hi Nzambi ubaava, hyabwefulala bunene. Hyo hibaaleele ti: «Nzambi abelele banga isaayi, ka nde ubaava lisyeme la nde, huli baatu banga a kulimini.»

1 Peetelo 1:13

Ni mu buuna, vangamaani! Baani likanda! Saani hiitu hya benu hyosi mu hyese hi Nzambi huva benu, ŋa Yisu Kristo huyamonehele.

1 Peetelo 4:11

Tso muutu li na bungodu bu utoyo, nde afwana uyabisa Mambu ma Nzambi. Tso muutu li na bungodu bu usalisa bambahi, nde afwana usalila bwo na mifudi mi Nzambi ubaava nde. Saani buuna mana mu moosi, Nzambi ayaka muyusu mu Yisu Kristo, mu nde huli na muyusu na matwala mu bilima na bilima. Ameni!

1 Peetelo 4:7

Tsukusu a tsi yika bebele. Ni mu buuna, baabaani na mbiili ya tsiki na likanda, mana benu libaatwala usambila.

1 Peetelo 5:5

Ni bumosi kaka, benu pfudu-mbahala, baani hutsina lituma la ba baakulala benu. Na benu boosi, lwataani kulimini mu itwadi hya benu. Mu toni ati, ma Baasonehe mali mu uleele ti: «Nzambi ubaatelemene banga likwayi, ka nde ubava hyese hya nde huli banga a kulimini.»

1 Peetelo 5:8

Kutaani linyutu! Baani likanda! Mu toni ati muboho a benu, Mukuyi li mu uvyana we kosi, wu li mu usiinga na ubaasaha wu nde hu umbyasa.

3 Yowani 1:9

Me atsonihi muhanda wu mukusi huli libundu, ka Dyotelefe wu atondo ubaamonehele wa tsomi ŋa hati la baana ba libundu mu pasi dyambu, a hasiingi tumili a bisu ve.