Looma 12:2 - Musamu wu Mubwe

² A liduukala bipfu bya baatu ba tsi moyiniyi ve. Ka nyahaani Nzambi akitusa benu na uva benu buyedi bubunyatihi. Na benu sa litsikaha litondo la Nzambi: ma mabwe, ma nde hatondo, na ma masupahana.

Looma 12:2 ပူးပေါင်းရင်းမြစ်များ

Yowani 14:30

Me a hatsaali na tangu yi ndahi yi ubwetoyo na benu ve. Mu toni ati, pfumu a toto aka mu uya. Nde a hali na matwala ŋa yulu a me ve.

Yowani 15:19

Tso benu laakiba baatu ba tsi moyiniyi, tsi yakiitondo bi bili mu yo. Ka benu a lili baatu ba tsi ve. Me atsoolo benu ŋa hati la baatu ba tsi, ni mu toni moyiina baatu ba tsi baabelele benu.

Yowani 17:14

Me apa bo mikuma mya we, na baatu ba tsi na piinga mu bo. Mu toni ati, bo a bali ba tsi ve, we bu me apele wa tsi moyiniyi.

Yowani 7:7

Baatu ba tsi utwala ubelele benu ve. Ka bo baabelele me. Mu toni ati, me umbaata imbangi ti mavanga ma bo mali mamabi.

Looma 12:1

Baana ba ngu, mu toni ati Nzambi amiimwese bubwe bwa nde mu bisu, me ndi mu upondo huli benu, mu uyeholo nde nyutu a benu we bungondu bwa monyi, bwa ngidi, bu Nzambi husilasa. Buuna, benu sa liyusa Nzambi we bu hwafwana.

Looma 13:14

Lwataani mbiili a Pfumu Yisu Kristo. A liduukala mbiili yi imuutu, mu uywatisa mapeyu ma nde ma mabi ve.

Looma 7:12

Ni mu buuna, Mikele myomo mili mya ngidi, na tumili yili ya ngidi, ya tsiitsa na yi mbwe.

Looma 7:14

Eye, bisu liyaabi ti Mikele ubaamata mu Livupu la Nzambi. Ka me, me ndi muutu wu akolo wu baamiisumbasa we muviha mu lisumu.

Looma 7:22

Hutso matsimi ma mutima a me, me ndi na kinya mu matumili ma Nzambi.

Ngalaatiya 1:4

Kristo wu asiinga, we bu hwaba litondo la Nzambi, mu uyeholo muvumu a nde we bungodu, mu uyobolo bisu mu masumu ma bisu, mu upatula bisu mu matwala ma mabi ma tsi moyiniyi.

1 Tesalonika 4:3

Litondo la Nzambi ni ti, benu liba na idiingu hya ngidi na utahuha na ndyatili yi bumbembo.

Tiite 3:5

Nzambi hafuuhisi bisu, a mu tonyi ati bisu laavanga mambu mamabwe ve. Naana! Nde hafuuhisi bisu, mu bunene bwa kwili lingebe a nde mu bisu. Nde hafuuhisi bisu, mu tangu yi Livupu la Ngidi laaswahi bisu na laavidi bisu buta li linyatihi.

Yaki 1:27

Inzambi hi hyatsyeme na hi hyavele na tsumiili, ŋa busu bwa wu li Nzambi na Taata, ni mu ubaakumbasa bitsana na bakwili mutso minyongi mya bo. Inzambi hi hyatsyeme, ni mu uvelesumaha mu mambu mamabi ma tsi moyiniyi.

Yaki 4:4

Bimbembo mobinibi! Benu a liyabi ve ti, utondo mambu ma tsi, ni ubelele hwa Nzambi? Ni mu buuna, tso muutu tondi uba mbaahi a tsi, nde aka muboho a Nzambi.

1 Peetelo 1:14

Singalaani Nzambi bu benu lili baana ba nde. Na a likangama mu mapeyu mamabi ma benu laaba na mo tsikulu ve, ŋa benu laaba kini hutso budimbu.

1 Peetelo 1:18

Benu liyabi mu ki talu Nzambi hafuti mu uyobolo benu mu idiingu hi hyavele a tsongo. Ni mbiili yi yavyasaana yina, yi bakaaha ba benu baalongisi benu. Nzambi a hafuti yo mu biloho bi bibaabiya we mbongo na woolo ve.

1 Peetelo 2:3

Mu toni ati, baasonehe: «Benu laamoni buni Pfumu ali wu mubwe.»

1 Peetelo 4:2

Mu tangu yi yimiisaala benu ŋa toto, a hwafwana ti benu libaadyata we bu huli mapeyu ma musunya ve, ka dyataani we bu huli litondo la Nzambi.

2 Peetelo 1:4

Ni mu buuna, Nzambi amiisa bisu malahi ma bungodu bwa talu na bu bubwe. Nde hasiidi malahi momaana, mana benu limata mu manzala ma uvanga mambu mamabi ma utsala baatu ba tsi. Ŋa mbuha unyambana, Nzambi miikitusa benu bababwe, we nde mwakulu wuli wu mubwe.

2 Peetelo 2:20

Mu mbuli, hu li na baatu ba baamiinyaha uvanga mambu mamabi mamali mu utuma tsi. Mu toni ati, bo baayabi bubwe-bubwe Pfumu na Mufuhisi a bisu Yisu Kristo. Ka tso babwekulamana hutsina lituma li mavanga ma makulu, idiingu hya bo hya tsyelele sa ifulala pasi na hya tsomi.

1 Yowani 3:13

Baana ba ngu a me a likimuha ve, tso baatu ba tsi moyiniyi babelili benu.

1 Yowani 5:19

Bisu liyabi ti bisu lili baana ba Nzambi, na tsi moyiniyi yoosi yili hutsina matwala ma Nga bubi.