Looma 12:13 - Musamu wu Mubwe

¹³ Baakumbasaani baana ba ngu ba bali na nzala likumbasa, na baayakaani bubwe tangu yoosi, ba bali mu uya mu manzo ma benu.

Looma 12:13 ပူးပေါင်းရင်းမြစ်များ

Mavanga 10:4

Korineye atali pofi, na likamba loosi, na aleeli nde: «Ki dyambu Pfumu?» Pofi afutili nde: «Masambulu ma we na kwili a we lingebe mu biyaha, bi miikumasa huli Nzambi. Na Nzambi miiyuha masambulu ma we na uyaka mo we bungodu. Nde miiyibwala we monyi.

Looma 12:8

Wu li na bungodu bu uhwadisa bana mu mavanga ma mabwe, nyaha abaahwadisa bo. Wu li na bungodu bu ukaba, nyaha abaasalila bwo mu mutima wu mubwe. Wu li mu utuma, nyaha abaatuma na lehemene loosi. Wu li mu ukumbasa nga puumbu, nyaha abaakumbasa na kinya.

Ngalaatiya 6:10

Ni mu buuna, bu tangu yimonihili, libaavangani mamabwe huli pasi muutu, fula-fula huli baana ba ngu ba imiinu mu Kristo.

1 Timoteho 3:2

Mutumi libundu afwana uba wu avele masyembo, mulumi a mukaasu mumosi, nga mbiili yi yasungama, nga tsiki, nga butsitu na wu akuha. Nde afwana uba muyaki a byenyi na wu utwala ulongese libundu.

1 Timoteho 5:10

Baafwana utiila nde imbangi mu mavanga mamabwe, bu nde habuhisi baana ba nde, bu hakayaka baatu bubwe. Bafwana utiila nde imbangi kaka, bu hakaswaha miilu mya baatu bangidi, bu hakakumbasa banga pumbu, na bu haba hakangama mu mavanga moosi mamabwe.

Tiite 1:8

Ka nde afwana uba muyaki a byenyi, buuna ni bubwe. Nde afwana utondo mavanga mamabwe, muutu nga tsiki, wu asungama, wa ngidi, wu ayaba ukuka linyutu la nde.

Tiite 3:14

Baatu ba bisu ka bafwana uhwada mu uva linyutu mu uvanga mamabwe, mana bo bakumbasa ba bali na nzala likumbasa. Bo bavanga buuna, bo sa baba na tsongo.

Filemoni 1:7

Mwana a ngu a me, litondo li we amwesi laaviidi me kinya yindahi na kwadili. Mu litondo moliina, we ahwadisi kaka mitima mya babalahi ŋa hati li libundu.

1 Peetelo 4:9

Baayakasanaani mu manzo ma benu, hwavele uŋono.

1 Yowani 3:17

Tso muutu li na busina bu bulahi, na li mu ukama mutima ŋa busu bwa mwana a ngu a nde wu avele na hi ufuuhala, buni muutu mowuuna hutwala ubinuha ti nde atondo Nzambi?

3 Yowani 1:5

Mbahi a me wu litondo, we akangama mu ma we li mu uvanga mu ukumbasa baana ba ngu, tso ba bali byenyi.