Looma 12:12 - Musamu wu Mubwe

¹² Baani na kinya mu toni a hiitu hya benu. Baani na mukami mu tangu a pasi, baasambilaani na mukonono.

Looma 12:12 ပူးပေါင်းရင်းမြစ်များ

Luuka 10:20

Ka a lisa muyali bu mavupu mali mu usiingala benu ve, ka saani muyali bu Nzambi hasonehe manduhi ma benu hu mayulu.»

Luuka 21:19

Hwadaani! Ni mu mukami a benu, benu luyobolo monyi a benu.»

Luuka 8:15

Titswene, mbutu yi yabwidi ŋa toto ya mbolese, ni baatu baana ba bubaayuha mambu ma Nzambi. Bo ba baakaanga mo mutso mitima mi mibwe na mya mbuli. Mu mukonono a bo, bo bali mu ubuta mbutu.»

Mavanga 1:14

Boosi mu matsimi mamosi, baakapfutana tangu yoosi mu usambila Nzambi. Itwadi na bakaasu bakima, Mariya ngu a Yisu, na baana ba ngu a Yisu.

Mavanga 12:5

Bu baakakelese Peetelo mu kondaayi, libundu laakasambila Nzambi mu nde tangu yoosi na ibahala.

Mavanga 2:42

Bo baakahwada mu ubaayuha tangu yoosi ndongisili bilumbi, mu ubaatsahala mu itwadi na bana, mu ubaadya na ubaasambila mu itwadi.

Mavanga 6:4

Buuna bisu lu ukaahwada tangu yoosi, mu lisambulu na mu isalu hi ulongese mambu ma Nzambi.»

Looma 15:13

Nyaha Nzambi wu ubaava hiitu, aluusa benu mu kinya na mu hyenze bi byakuha mu imiinu hya benu mu nde. Mana benu liluula mu hiitu hi matwala ma Livupu la Ngidi.

Looma 15:4

Moosi ma mali mutso a ma Baasonehe ma Ngidi tsikulu, baasonihi mo mu uva bisu nzabiili. Mana bisu libaha hiitu mu mukami na kwadiili bi mo mali mu uva bisu.

Looma 2:7

Nzambi uva monyi wu bilima na bilima huli ba bali na mukonono wu ubaavanga mambu mamabwe. Bo bali mu usaha muyusu, likiinzu na idiingu hi hyuvelekwa.

Looma 8:25

Ka tso bisu libaasa hiitu mu bi laavelemono, bisu libaakeele byo na isuusi hyosi.

Filiipo 3:1

Na bunuubu, baana ba ngu a me, baani na kinya bu benu lili itwadi mu Pfumu. Ka huli me, me a handi mu umono budwa, mu ubweyabisa benu mambu ma me atsonihili benu ve. Na huli benu, mandongi momaana, mu ukandiha benu.

Filiipo 4:4

Baani na kinya tangu yoosi mu Pfumu! Me pfutahala: baani na kinya!

1 Tesalonika 1:3

Bisu lili mu uyibwala monyi pasi tangu ŋa busu bwa Nzambi Taata a bisu, mu toni isalu hi imiinu hya benu, isalu hi litondo la benu, na kwadili a benu mu hiitu mu Pfumu a bisu Yisu Kristo.

1 Tesalonika 5:8

Ka bisu ba lili baana ba liyalala, bisu laafwana ukuta linyutu. Likangaani imiinu na litondo we ikutu hi midiingu na hiitu hi liyobolo we ibudu hi midiingu.

2 Tesalonika 1:4

Ni mu buuna, bisu lili na nyeme mu uyambila mu benu mutso mabundu ma Nzambi. Mu toni ati benu laateleme mu imiinu, tso bu benu lili mu ubwana mbingisili na mapasi.

2 Tesalonika 3:5

Nyaha Pfumu abaabita mitima mya benu hutsyelo litondo la Nzambi. Nyaha nde abaamwese benu buni benu luuba na mukonono mutso mapasi, we bu Kristo hamwesi ifwani.

1 Timoteho 6:11

Ka we muutu a Nzambi, bata maana moosi. Saha mbiili butsitsa, muyusu a Nzambi, imiinu, litondo, mukami, na isusi.

2 Timoteho 3:10

Ka we, we aduukili me mu ndongisili a me, mu ndyatili a me, mu makani ma me, mu imiinu hya me, mu mukami a me, mu litondo la me, mu mukonono a me, mu usungama tso mu ibahala hya me,

Tiite 2:13

Ni buuna, bisu lafwana ukeele ilumbu hya kinya hi bisu lili mu usa hiitu. Ilumbu mohina, Nzambi a bisu wu munene, wu uli Mufuhisi a bisu Yisu Kristo, sa amonehele hutso muyusu a nde.

Tiite 3:7

Nde hasidi buuna, mana bu buuteele bisu «ba bamiibinga» mu kolo-kolo a nde, bisu likituha babahi ba hiitu hya monyi wu bilima na bilima.

Yaki 5:7

Ni mu buuna, susaani pumi baana ba ngu, nate mu pfutihili a Pfumu. Tsimaani musali mangundu: nde li na isusi mu ubaakeele milunda mya toto mya talu, nate bu nde hu uyaka milunda mya tsomi na bikootele.

1 Peetelo 4:13

Ka baabaani na kinya bu lili mu umono mapasi ma Kristo hamoni, mana benu ka liluula mu kinya yindahi ŋa nde hu umonehele mu muyusu a nde huli baatu boosi.

1 Peetelo 4:7

Tsukusu a tsi yika bebele. Ni mu buuna, baabaani na mbiili ya tsiki na likanda, mana benu libaatwala usambila.

2 Peetelo 1:6

ŋa yulu a nzabili a Nzambi, ukuta hu linyutu; ŋa yulu ukuta hu linyutu, mukonono; ŋa yulu mukonono, ukangama hwa mu Nzambi;