Looma 12:11 - Musamu wu Mubwe

¹¹ Baani na lehemene mu isalu, ka a liba babolo ve. Salilaani Pfumu mu mutima a benu woosi.

Looma 12:11 ပူးပေါင်းရင်းမြစ်များ

Mavanga 18:25

Nde aba ayiha misamu mi mya tala nzila a Pfumu. Bu haba ka na lehemene mu livupu, nde akayabisa na akalongese bu hwafwana, Musamu wu Mubwe wu atala Yisu. Ka nde aba ayaba ndulu tondihili yi Yowani hakalongese baatu.

Mavanga 20:19

Me atsalili Pfumu Yisu hutso a kulimini na matsanga mu miisu. Me atsalili nde hutso mapasi na ketili imiinu mu toni mapfuundu mamabi ma Bayudaayo baakakutala me.

1 Timoteho 5:13

Titswene, bu bo baavele na isalu hi usa, bo bubaatangila manzo ma baatu, mu ubaasaha uyiha. Ka ŋa yulu a maana, ndulu avele li isalu ve, bo bubaasa kaka lipedi li laavele a tswehi. Bo bubaakoto mu misamu mi myaveletala bo, na ubaatoyo ma bakiiveletoyo.

Yaki 5:16

Baasiingani masumu ma benu ŋa busu bu bambaahi. Na baabitasanani bana mu masambulu, mana benu libeloho. Ŋa muutu wu akuha ubaasambila, lisambulu la nde, libaaba na mifudi.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 4:8

Hati a tsomi, baatondosonwani mu mifudi, mu toni ati, litondo libaafuha masumu mamalahi.