Looma 12:10 - Musamu wu Mubwe

¹⁰ Luulaani mu litondo bana mu bana, we binama bya buli limosi; Baani batsomi mu ukinza bana.

Looma 12:10 ပူးပေါင်းရင်းမြစ်များ

Luuka 14:10

Ka ŋa bamiitsiha we hu mukungi, ya tsahala hu mbuha ya tsyelele, mana bu wu ateele we hu mukungi huya, nde aleele we: “Mbaahi a me, ya tsahala ŋa itsiha hi mifwende.” Buuna, baatu boosi babali mu udya na we sa bakinza we.

Yowani 15:17

Dyambu li me ndi mu utuma benu, ni utondosono.»

Yowani 17:21

Me ndi mu utsambila, mana boosi baba we muutu mumosi. Taata, nyaha bo baba itwadi mu we na me, we bu we li itwadi na me, na me ndi itwadi na we. Nyaha bo baba muutu mumosi, mana baatu ba tsi basa imiinu ti ni we atsindaha me.

Mavanga 4:32

Konge a banga a hiitu, yaba na matsimi mamosi, na mutima mumosi. A hwaba na muutu wu akaleele ti busina bwa nde, bwa nde siha ve. Ka byosi bi bo baaba na byo, aba bi itwadi.

Looma 13:7

Futalaani huli pasi muutu hi hyahwama na nde: futaani limandu huli wu benu laafwana ufuta lo, na makesili makima ma lituma libaakamba, huli wu benu laafwana ufuta mo, muyusu huli wu benu laafwana uva muyusu, likiinzu huli wu benu laafwana uva likiinzu.

Ngalaatiya 5:13

Baana ba ngu, benu lili ba baateele mu uba bunyanga. Ka ndulu, benu a lisalila bunyanga mobuuna, mu ukuhasa mapeyu ma musunya ve. Ka nyahani mukele litondo atuma benu, mana benu li baasalasana.

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Ngalaatiya 5:6

Ka, mu Kristo Yisu hya tsoongo, ni imiinu hi hili mu umwese mavanga mu mukele litondo, ka a mu uba wu baakete, buve wu baavelekete ve.

Filiipo 2:3

A lisa pasi dyambu na matsimi ma nyeme ve, buve mu nzala umonehele. Ka hutso a kulimini, mwesaani ti bana baakulala benu.

1 Tesalonika 4:9

Mu ma mali mu utala dyambu li litondo li bumwana bu bungu, benu a lili na nzala ti basonehele benu ve. Mu toni ati Nzambi nde mwakulu amiilongese benu, buni benu laafwana ubaatondosono.

2 Tesalonika 1:3

Baana bangu, bisu lafwana ubafutala matondo tangu yoosi huli Nzambi, mu toni a benu. Hwafwana huli bisu mu usa buuna, mu umono buni imiinu hya benu hili mu ukula. Bisu lili mu umono kaka buni litondo li benu lili mu umwese mu bana, lili mu ukula.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 2:17

Baakinzaani baatu boosi, baatondwani baana ba ngu ba benu ba imiinu, baabaani na boomo bwa Nzambi, baakiinzaani mutumi a tsi.

1 Peetelo 5:5

Ni bumosi kaka, benu pfudu-mbahala, baani hutsina lituma la ba baakulala benu. Na benu boosi, lwataani kulimini mu itwadi hya benu. Mu toni ati, ma Baasonehe mali mu uleele ti: «Nzambi ubaatelemene banga likwayi, ka nde ubava hyese hya nde huli banga a kulimini.»

2 Peetelo 1:7

ŋa yulu a ukangama hwa benu mu Nzambi, litondo li bumwana bu bungu bwa mu Kristo; ŋa yulu litondo li bumwana bu bungu bwa mu Kristo, bwesaani litondo.

1 Yowani 4:11

Bambahi ba litondo, ubaamono ti ni buuna Nzambi hatondo bisu a benu, bisu a benu kaka lafwaana ubaatondosono.

1 Yowani 4:20

Tso muutu li mu uleele: «Me atondo Nzambi» na li mu ubelele mwana a ngu a nde, nde li mupfuti. Mu toni ati, wu abelele mwana a ngu a nde wu nde ali mu umono, buni nde hu utwala utondo Nzambi wu nde havelemono?