Looma 11:25 - Musamu wu Mubwe

²⁵ Baana ba ngu, me tondi ti benu liyaaba matswehi ma Nzambi momanima, mana benu a libaamonehele we bangeele: kabu limosi la baatu ba Isereli sa likwilala hutso a dungili, nate bu boosi ba bali bangoyi buuyaka liyobolo.

Looma 11:25 ပူးပေါင်းရင်းမြစ်များ

Luuka 21:24

Sa baduba bo mu basabila, buve sa babita bo hu buviha mu matsi moosi. Mabuli ma matsi makima sa mayabyalila Yeruselemi, nate bu tangu tumili a mo yi usuka.

Yowani 10:16

Me ndi na mameme makima ma maavele mutso a mumbu mo wunuwu. Me apfwana ubita kaka mo. Mo sa mayuha ndaha a me, na sa maba ndulu konge mameme mosi, mukeelisi kaka mumosi.

Looma 1:13

Baana ba ngu, me tondi ti benu liyaaba ti, me umbaamba na matsimi ma uya huli benu. Ka nate bunuubu, me a hambaha nzila ve. Me na nzala ati isalu hya me hibuta mbutu huli benu kaka, we bu hyo hyabuta mbutu mu bibandu bikima.

Looma 11:12

Na tso mbwili Bayudaayo mu mamabi yaabeedi dyambu lilibwe li linene mu toto yoosi, na ubwa hwa bo hwaviidi busina bu livupu huli bangoyi, ki pila bunene bwa dyambu li libwe luuba mu pfutihili a bo yi yakuha hu liyobolo!

Looma 11:24

Ni mu buuna, we itabi hi muti a olive wa mu piinda, Nzambi akesi we na akatisi we mu muti a Olive wu baakuna, na wu li na lisobosono na muti wu baamaasi we. Ka uto ti Bayudaayo, bo bali bitabi bya mbuli bi muti a Olive wa mbuli: Ni mu buuna, Nzambi ubwekatisa bo mu muti wu bo baabeedi tsomi.

Looma 12:16

Baani mu hyenze ŋa hati la benu. A liba na peyu mu bi byasyenoho ve, ka baasahaani bi byavelemonehele ŋa miisu ma baatu. A limonehele we bangeele benu mwakulu ve.

Looma 16:25

Liyusaani Nzambi! Nde li na matwala ma uhwadisa benu mu imiinu, we bu hu li Musamu wu Mubwe wu me ndi mu undongese na wu li mu usangula Yisu Kristo, na we bu hu li nzabisili yi Nzambi hamiisa mu lahi la nde li liyobolo, we bu hu li nzabisili yi Nzambi haswehe umata beleve.

Looma 9:18

Ni mu buuna, Nzambi ubaakwila lingebe huli muutu wu nde atondi ukwila lingebe na nde ubaatumbasa woosi wu nde atondi utumbasa.

2 Peetelo 3:8

Ka dyambu limosi li benu lu uvelevusana, bambahi ba litondo ni ti: huli Pfumu, ilumbu imosi hili we iveeve (1000) hi bilima, na «iveeve (1000) hi bilima hili we ilumbu imosi.»