Looma 10:8 - Musamu wu Mubwe

⁸ Nde buni ali mu uleele? Bunuubu: «dyambu labaambana na we, mu munywa na mu mutima a we» (mbindulili ni ti: liina ni dyambu li imiinu li bisu libaalongese).

Looma 10:8 ပူးပေါင်းရင်းမြစ်များ

Mavanga 10:43

Mimbihuli myosi myatiili nde imbangi. Mono imbangi mo: pasi muutu wu usa hiitu mu nde, yaki linyahula li masumu mu matwala ma nduhi a nde.»

Mavanga 16:31

Bo baafutili nde: «Sa hiitu mu Pfumu Yisu, na we sa yoboho, we na ikuta hya we hyosi.»

Looma 10:17

Ni mu buuna, imiinu ubaamata mu mambu ma bubaayuha, na mambu ma bubaayuha ubaamata mu mambu ma Kristo.

Ngalaatiya 3:2

Me tondi ti benu liva me ndulu mvutu mu hyuhu mohinihi: Benu laayaka Livupu la Nzambi, mu toni a bu benu laakuhasa Mikele mya Moose myosi? Vooti mu toni ati benu laasiidi imiinu mu Musamu wu Mubwe wu benu laayuhi?

Ngalaatiya 3:5

Ni buuna, Nzambi wu ava benu Livupu la nde na wu li mu uvanga bipadi ŋa hati la benu, a hali mu ukuhasa maana mu toni ati benu lili mu udyata hutso Mikele mya nde ve. Ka mu toni, ati benu lili mu usa imiinu mu Musamu wu Mubwe.

1 Timoteho 4:6

Tso we viidi mandongi momaana huli baana ba ngu, we uba musalili wu mubwe wa Yisu Kristo. We umwese ti, baamiibungala we mu mambu ma imiinu, na mu ndongisili yimbwe yi we ayaki na bukuhu.

1 Peetelo 1:23

Baamiibuta benu buta li linyatihi. A mu muhunu wu ubaakwa ve, ka mu muhunu wu avelekwa. Muhunu mowuuna, ni mambu ma Nzambi ma monyi, ma bilima na bilima.

1 Peetelo 1:25

ka mambu ma Pfumu mubaakwilala tangu yoosi.» Mambu mo ni Musamu wu Mubwe wu baayabisi benu.