Looma 1:8 - Musamu wu Mubwe

⁸ Hati a tsomi, me tondi ufutala matondo huli Nzambi mu benu boosi, mu nduhi a Yisu Kristo. Mu toni ati, bali mu utoyo mu imiinu hya benu mu toto yoosi.

Looma 1:8 ပူးပေါင်းရင်းမြစ်များ

Luuka 2:1

Mu tangu moyiina, Kayisaali Angustu, pfumu a itanzi hya Looma, apalisi mukele mu usa litangu la baatu mu toto yoosi ya Looma.

Mavanga 11:28

Mumosi mu bo nduhi a nde Angabusi, ayabisi mu matwala ma Livupu la Ngidi ti husaali hole, limbunga lilinene sa liba mu toto yoosi. Limbunga moliina, laavangimi mu tangu yi pfumu a Looma haba nduhi Koloode.

Mavanga 28:22

Ka bisu litondi ti, we mwakulu yaabisa bisu matsimi ma we. Mu toni ati bibiingi byosi, bisu liyaabi ti baatu bubaabisa kabu li we akangama mu lo.»

Looma 10:18

Buuna me ndi mu upfuula: Bayudaayo a baayuhi musamu mo wuuna ve? Eye, bo baayuhi nde! Mu toni ati, Mabaasonehe ma Ngidi mali mu uleele: «Ndaha a bo yaayuhini mu toto yoosi, na mambu ma bo baalongisi, maamiito nate hu tsi yaasuka.»

Looma 16:19

Ka uto ti benu, boosi bayaabi lisiingala la benu mu Pfumu. Me ndi mu kinya mu benu. Ka me tondi ti benu liba banga a tsiki mu uvanga ma mabwe, na uba ba baatsyeme mu mitima mu ubata ma mabi.

Looma 6:17

Ka lifutalaani matondo huli Nzambi! Benu ba laabeedi hu tsikulu baviha ba masumu, bunuubu benu limiisiingala mu mutima woosi Mikele mya ndongisili yi benu laayaki.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

Filiipo 1:3

Me ndi mu upfutala matondo huli Nzambi, pasi tangu yi me ndi mu unzibwala monyi mu benu.

1 Tesalonika 1:2

Bisu lili mu ufutala matondo tangu yoosi huli Nzambi mu toni a benu boosi, na libaatangula benu mu masambulu ma bisu.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

2 Tesalonika 1:3

Baana bangu, bisu lafwana ubafutala matondo tangu yoosi huli Nzambi, mu toni a benu. Hwafwana huli bisu mu usa buuna, mu umono buni imiinu hya benu hili mu ukula. Bisu lili mu umono kaka buni litondo li benu lili mu umwese mu bana, lili mu ukula.

2 Timoteho 1:3

Me ndi mu upfutala ŋa matondo huli Nzambi, wu me ndi mu utsalila we bakaaha ba me, na matsimi ma me ma maatsyeme. Na me umbanzibwala monyi mu we, butsuhu na nyangu, mu masambulu ma me.

Filemoni 1:4

Filemoni, me ndi mu upfutala matondo tangu yoosi huli Nzambi, na ubaasambila mu we.

1 Peetelo 2:5

Na benu mwakulu, we mamanya ma monyi, kuukamaani mu utuunga nzo Livupu. Kuukamaani mu uvanga kabu li banganga ba Nzambi ba nga lehemene, ba bu uba na isalu hi ubaayeholo bungodu bu Livupu. Bungodu mobuuna, Nzambi usiinga bwo, mu toni a Yisu Kristo.

1 Peetelo 4:11

Tso muutu li na bungodu bu utoyo, nde afwana uyabisa Mambu ma Nzambi. Tso muutu li na bungodu bu usalisa bambahi, nde afwana usalila bwo na mifudi mi Nzambi ubaava nde. Saani buuna mana mu moosi, Nzambi ayaka muyusu mu Yisu Kristo, mu nde huli na muyusu na matwala mu bilima na bilima. Ameni!