Looma 1:21 - Musamu wu Mubwe

²¹ Bo bayaabi Nzambi. Ka bo a bubaakinza nde ve, na bo a bubaayusa nde we bu hwafwana ve. Bo baamiidunga hutso matsimi ma maavele lisuunga, na mitima mya bo, mi myavele buyedi, myamiisohomo hutso a pipidi.

Looma 1:21 ပူးပေါင်းရင်းမြစ်များ

Yowani 3:19

Mono buni tsundusu yuvangama: liyalala laayidi mu tsi, ka baatu baatondi hwa bo piipidi na baatiimbi liyalala, mu toni ati mavanga ma bo mali mamabi.

Mavanga 26:18

Me ndi mu utsindaha we, mana we dibula bo miisu. Me ndi mu utsindaha we, mana we palisa bo mu piipidi, mu uvyoso bo mu liyalala. Me ndi mu utsindaha we, mana we palisa bo hu tsina matwala ma Satana, mu ususa bo hu tsina lituma la Nzambi. Bu bu usiila me hiitu, Nzambi unyahula masumu ma bo, na bo bu ubaha mbuha ŋa hati la ba Nzambi hamiisoolo.”»

Looma 1:19

Ni mu buuna, mambu ma mbuli ma buutwala uyaaba mu Nzambi, mali ma maayaluha ŋa busu bwa bo: ni Nzambi nde mwakulu amwesi bo lo pa yalala.

Looma 1:28

Bu bo baabisi uyaaba Nzambi, Nzambi atiimbi bo ŋa busu bu buyedi bwa bo bu bwadunga, na bo bali mu uvanga ma maavelefwaana.

Looma 11:10

Nyaha miisu mya bo miba piipidi, mu iteesi hyubwevelemono. Hodemese bo mungoongo hwanzyeni».

Looma 15:9

Ni bumosi kaka, ba baavele Bayudaayo, bali mu uyusa Nzambi mu bubwe bwa nde, we bu ma Baasonehe ma Ngidi mali mu uleele: «Ni mu buuna, me tsa pa we muyusu ŋa hati li bibandu bikima bya ŋa toto, na me tsa nzimba mu toni muyusu a nduhi a we.»

2 Timoteho 3:2

Baatu bu uba na nyinga, na linyungi la mbongo, na nyeme, na isayi. Basafuli ba bungidi bwa Nzambi, banga kene ŋa busu bu bataata na bangu. Bo bu uba ba buveletwala ufutala matondo, bangoyi.

1 Peetelo 1:18

Benu liyabi mu ki talu Nzambi hafuti mu uyobolo benu mu idiingu hi hyavele a tsongo. Ni mbiili yi yavyasaana yina, yi bakaaha ba benu baalongisi benu. Nzambi a hafuti yo mu biloho bi bibaabiya we mbongo na woolo ve.

1 Peetelo 2:9

Ka benu, benu lili ibandu hibaasoolo, buli li banganga ba Nzambi ba Pfumu, buli li laatsyeme. Tso Nzambi hamiibaha benu, ni mu toni ati, benu liyaabisa mavanga ma maasyenoho. Nzambi hapalisi benu mu piipidi, nate mu ukotese benu hutso liyalala la nde la kimwili.