Looma 1:16 - Musamu wu Mubwe

¹⁶ Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 1:16 ပူးပေါင်းရင်းမြစ်များ

Luuka 9:26

Pasi nde wu uba na tsonyi mu toni a me, buve mu toni a mambu ma me, Mwana a muutu sa amonele nde ka tsonyi. Nde umoneele nde tsonyi. Nde umoneele nde tsonyi bu nde hu uya hutso muyusu a nde, na hutso muyusu a Taata na wu bapofi bangidi.

Yowani 7:35

Bayudaayo baalelisini: «Nde huni ali mu dwe, mana bisu luuvelesoolo nde? Nde ka huli Bayudaayo ba bubaatsahala ŋa hati li Bangeleke nde uyene, buve Bangeleke huuyalongese?

Mavanga 3:26

Ni mu toni a benu, Nzambi hatswamisi utelemese musalili a nde. Nde atsindihi nde mu usyeme benu na mu usa ti muutu-muutu mu benu, atahuha na mavanga ma nde mamabi.»

Looma 10:17

Ni mu buuna, imiinu ubaamata mu mambu ma bubaayuha, na mambu ma bubaayuha ubaamata mu mambu ma Kristo.

Looma 15:19

mu matwala ma biliimbu bya kimwili, na bipadi, mu matwala ma Livupu la Nzambi. Mono buni me anzaabisi we bu hwafwana Musamu wu Mubwe wa Kristo, mu ubaayene matsyelo moosi, umata musyenge a Yeruselemi nate hu itanzi hya Iliriya.

Looma 15:29

Na me nzabi ti ŋa me unziila benu, ni na lisyeme la Kristo li lafulala me unza.

Looma 2:9

Mapasi na minyongi byubwila boosi ba bubaasalila bubi. Hati a tsomi Bayudaayo, titswene ba baavele Bayudaayo!

Looma 4:11

Na titswene, Abrahami ayaki ketili we iliimbu. Hyo hyaba we matala mu umwese ti Nzambi asiingi ukuha hwa nde mu imiinu. Ni buuna, bu Abrahami haba kini a baaketi ve, Nzambi abyalisi nde taata a boosi ba bubaasiila imiinu mu Nzambi. Baatu mobaana, Nzambi ubaasiinga bo kaka we ba baakuha, tso bu bo baabeedi kini a baaketi ve.

Ngalaatiya 1:7

Ka, a huli na Musamu wu Mubwe mukima ve. Bunuubu, huli na baatu ba bali mu usa muyungisi ŋa hati la benu, na ba batondi usobo Musamu wu Mubwe wa Kristo.

1 Tesalonika 2:13

Ni mu buuna, bisu libaafutala matondo huli Nzambi tangu yoosi, bu benu laayaki mambu ma bisu laayabisi benu. Benu a laayaki mo we mambu ma maapali mu muutu ve, ka we bu mo mali ma mbuli, Mambu ma Nzambi, ma mali mu usala na mifudi, ma benu lili mu usa hiitu mu mo.

1 Timoteho 1:11

Ndongisili moyiniyi, yayelemene na Musamu wu Mubwe wu baaviidi me, wu ubaamata huli Nzambi Nga Muyusu.

2 Timoteho 1:12

Na, ni mu buuna, me ndi mu umono mapasi momanima. Ka me a handi na tsonyi ve, mu toni ati me nzabi mu na me atsa hiitu hya me. Me na hiitu mu nde, wu uli na matwala ma ukelese bi nde hava me, nate mu ilumbu hya tsundusu.

2 Timoteho 1:16

Ka nyaha Pfumu alusa kwili a nde lingebe mu nzo a Onezifole, mu toni ati nde akahwadisa me tangu yoosi. Na nde a hamono tsonyi mu me wu uli mu kondaayi ve.

2 Timoteho 1:8

Ni mu buuna, a hamono tsonyi mu imbangi hi we usa mu Pfumu a bisu. A hamono kaka tsonyi mu me, wu uli kondaayi mu toni a Pfumu. Ka siinga umono pasi na me mu Musamu wu Mubwe, mu mifudi mi Nzambi ubaava.

1 Peetelo 4:16

Ka tso bali mu utsuundasa muutu mu toni ati nde li wa Mukristo, nde anyaha umono tsonyi. Nyaha muutu mowuuna abaafutala Nzambi matondo, bu bali mu uteele nde wa Mukristo.