Looma 1:13 - Musamu wu Mubwe

¹³ Baana ba ngu, me tondi ti benu liyaaba ti, me umbaamba na matsimi ma uya huli benu. Ka nate bunuubu, me a hambaha nzila ve. Me na nzala ati isalu hya me hibuta mbutu huli benu kaka, we bu hyo hyabuta mbutu mu bibandu bikima.

Looma 1:13 ပူးပေါင်းရင်းမြစ်များ

Yowani 12:24

Mu mbuli, mu mbuli, me ndi mu undeele benu: tso libutu li libaava lipa a libwidi ŋa toto na ukwa ve, lo utwala ubuta ve. Ka tso lo likwidi, lo sa libuta mbutu yindahi.

Yowani 15:16

A benu laasoolo me ve, ka me ni wu asoolo benu. Me miipa benu tumili moyiniyi: yenaani, butaani mbutu yi yukwilala. Buuna, pasi hi benu luuvondo huli Taata mu nduhi a me, nde sa ava benu hyo.

Yowani 4:36

Wu li mu ukuukaha muhunu ubaabaha pfuta a nde, na nde ubaakoolo mbutu, ni baatu ba buubaha monyi wu bilima na bilima. Buuna, wu li mu ukuna na wu li mu ukuukaha, bali mu kinya bo baboole.

Mavanga 1:15

Mu bilumbu mobiina, banga hiitu baapfutini. Bo aba bebele a kama na maku moole (120). Peetelo atelimi ŋa hati la bo, na aleeli:

Mavanga 14:27

Bu bo baatoodi hu musyenge a Antyokya, baakuukihi libundu. Baayabisi bo mambu ma Nzambi havangi mu mambuha moosi ma bo baaba. Na buni Nzambi hadibuli huli ba baavele Bayudaayo, nzila yi usa hiitu mu Pfumu.

Mavanga 15:12

Na baatu boosi baasi swii. Buuna, Pahuli na Baranabasi baakayabisa bo bilimbu bya kimwili, na bipadi bi bo baasiidi mu matwala ma Nzambi, ŋa hati la ba baavele Bayudaayo.

Mavanga 19:21

Bu misamu momiina myavyohi, Pahuli atsimi uyene hu Yeruselemi mu uvyohele mu bitanzi bya Masedonya na Akayi. Nde akaleele: «Bu me umata huuna, me apfwana uyene ka hu musyenge a Looma.»

Mavanga 21:19

Pahuli ayava bo mabwehe. Humbisa, nde ayabisi bo moosi ma Nzambi havangi ŋa hati la ba baavele Bayudaayo.

Mavanga 28:14

Hutso musyenge mowunuwu, bisu laamoni ba mu buli la Kristo, ba baavondi bisu mu uvyoso tsambu li bilumbu na bo. Ni mu nzila moyina, bisu laatoodi hu musyenge a Looma.

Looma 1:12

Buuve, hufulili bubwe ti, me na lehemene li uba ŋa hati la benu, mana liyakaani kwadisili mu itwadi. Kwadisili a benu mu imiinu hya me, na kwadisili a me, mu imiinu hya benu.

Looma 11:25

Baana ba ngu, me tondi ti benu liyaaba matswehi ma Nzambi momanima, mana benu a libaamonehele we bangeele: kabu limosi la baatu ba Isereli sa likwilala hutso a dungili, nate bu boosi ba bali bangoyi buuyaka liyobolo.

Looma 7:1

Baana ba ngu, benu laamiikwayaaba ti mikele mili na matwala ŋa yulu a muutu ndulu ŋa nde akini monyi, mu toni ati benu laayaba Mikele.

Ngalaatiya 3:15

Baana ba ngu, me polo benu ifwani mu mbiili a bisu ya pasi ilumbu, mana benu litsikaha ma me tondi uleele: ŋa muutu amiisonehe lahi la nde bu hwafwana, teehele nde mu ukwa, tso muutu mumosi utwala utuna lo, tso ubwese iloho imosi ŋa yulu ve.

Ngalaatiya 6:18

Baana ba ngu mu Kristo, nyaha lisyeme la Pfumu a bisu Yisu Kristo, liba na benu boosi! Ameni!

Filiipo 1:22

Ka tso me mbwemba monyi mu usa isalu hya kaluha ŋa toto, buuna me a hanzaabi hi me utsoolo ve.

Filiipo 4:17

Me a handi mu undeele buuna, mu ubwesaha uyaka bungodu ve. Hi me ndi mu utsaha ni ti, Nzambi asyeme benu mu bungodu bwa benu.

1 Tesalonika 2:18

Ni mu buuna, bisu laatondi uyamono benu. Na me Pahuli, me anzyehili yehele limosi buve nzyehele yoole. Ka Satana akali bisu.

1 Tesalonika 4:13

Baana ba ngu, bisu litondi ti benu liyaaba imbuli mu toni a babaakwa. Bisu a litondi ve ti benu liba na lingebe, we baatu ba baavele na hiitu.

2 Tesalonika 2:7

Mu toni ati, matwala ma nga bukanyi, mamiitswiha mu tswehi. Hwamiisaala ndulu aka ti, wu akaanga matwala momaana, uhwada mu ukaanga mo nate tangu yi nde hudimbala.

2 Timoteho 4:17

Ka Pfumu ni wu avolili me milembe. Nde aviidi me mifudi, mana me twala uyabisa bo Musamu wu Mubwe, mana baatu ba matsi ma bangoyi kaka bayuha nde. Na nde ayobili me mu munywa a kosi.