Looma 1:1 - Musamu wu Mubwe

¹ Ni me Pahuli, musalili a Yisu Kristo, ndi mu utsonehele benu. Nzambi ateele me mu uba ilumbi, na nde asoolo me mu uyaabisa Musamu wu Mubwe.

Looma 1:1 ပူးပေါင်းရင်းမြစ်များ

Yowani 12:26

Tso muutu tondi usalila me, nyaha nde aduukala me. Ni mubuuna, ŋa me ndi, musalili a me sa aba na me, na Taata a me sa ayusa nde.»

Yowani 15:15

Me a handi mu umbweteele benu basalili ve. Mu toni ati musalili a hubaayaaba ma pfumu a nde ubaasa ve. Ka me ndi mu uteele benu bambahi, mu toni a ti me unzabisa benu moosi ma me anziha huli Taata a me.

Yowani 15:20

Yibwalaani monyi mu mikuma mi me andeeli benu: “Musalili a hubaalutala pfumu a nde ve.” Tso baatsuti me, bo sa batsuta benu kaka. Tso baakeelisi mikuma mya me, bo sa bakeelese mikuma mya benu kaka.

Mavanga 13:9

Buuna Sahuli wu baakateele ka Pahuli, aba wu aluula mu Livupu la Ngidi. Nde asungimini nganga.

Mavanga 20:24

Ka mu me, idiingu hya me a hili na tsoongo ve. Hya tsoongo huli me, ni mu ukuhasa ma me ndi mu utsa, na isalu hi Pfumu Yisu hamiiva me. Isalu mo, ni ulongese Musamu wu Mubwe wu litondo la Nzambi.»

Mavanga 21:40

Mukuutu balwani aviidi nde muswa. Pahuli, mutele ŋa yulu ikaada hya mumbu, avuhi hoho mu uyungasa kele. Na nde atsuhi huli bo mu ndaha Ibeleho.

Mavanga 22:21

Pfumu aleeli me: “Yene, na me tsa tsindaha we hu lala, huli ba baavele Bayudaayo.”»

Mavanga 22:7

Masulubete, me ambwidi ŋa toto na me anzuhi ndaha mosi yaakaleele me: “Sahuli, Sahuli, mu hima we li mu unyongese me?”

Mavanga 26:1

Agilipa aleeli Pahuli: «We na muswa mu ukala nyutu a we.» Buuna Pahuli alabi hoho, na abaandihi ukala nyutu a nde. Na aleeli:

Mavanga 26:14

Bisu boosi laabwidi ŋa toto. Na me anzuhi ndaha mosi yi yaakaleele me mu Ibeleho: “Sahuli, Sahuli, mu ki toni we li mu ukwamisa me? Ndulu mu mwana tangu hole, we li mu uruma ŋa busu bwa Nzambi, we ibulu ŋa busu bu likaanda la pfumu a hyo.”

Mavanga 27:23

Pofi mumosi a Nzambi, wu abaha me na wu me umbaatsalila, ayamonehele na me butsuhu mobunuubu.

Mavanga 9:15

Ka Pfumu afutili huli Ananya: «Yene, ka me miitsoolo nde mana me tsalila nde. Ni nde uyayabisa nduhi a me huli boosi ba baavele Bayudaayo na bapfumu ba bo, napa huli bisu Isereli.

Looma 1:16

Me a handi na tsonyi mu uyaabisa Musamu wu Mubwe ve, mu toni ati, Musamu wu mubwe ni matwala ma Nzambi ali mu usalila, mu uyobolo pasi nde wu li mu usiila nde imiinu. Hati a tsomi mu Bayudaayo, titswene mu Bangeleke.

Looma 1:5

Ni mu toni a Yisu, Nzambi haviidi me hyese hyuba ilumbi hya nde. Mu ubita baatu ba bibandu byosi, mana basiila nde imiinu na basiingala nde.

Looma 1:9

Nzambi wu me ndi mu utsalila mu mutima a me woosi, mu uyabisa benu Musamu wu Mubwe wu li mu utala Mwana a nde, yabi ti me ndi mu undeele imbuli: Me a umbaakolo mu utangula benu ve.

Looma 11:13

Me ndeele huli benu ba laavele Bayudaayo: Me wu ndi ilumbi hya ba baavele Bayudaayo, me ndi mu unzuusa isalu hya me,

Looma 15:16

mu uba musalili a Yisu Kristo huli ba baavele Bayudaayo. Me ndi mu utsa isalu hya nganga a Nzambi, hi uyabisa Musamu wu Mubwe a Nzambi, mana ba baavele Bayudaayo bakituha bungodu bu bubwe, bu Nzambi husilasa, bu baamiisyeme mu matwala ma Livupu la Ngidi.

Looma 15:29

Na me nzabi ti ŋa me unziila benu, ni na lisyeme la Kristo li lafulala me unza.

Looma 16:18

mu toni ati baatu ba pila moyiina, a bali mu usalila Kristo Pfumu a bisu ve, ka mapeyu ma bo mwakulu. Na humbisa mikuma mya bo mi mibwe, na bileedi bya soho, bo bali mu upfuta ba baavele na tsikihili.

Looma 16:25

Liyusaani Nzambi! Nde li na matwala ma uhwadisa benu mu imiinu, we bu hu li Musamu wu Mubwe wu me ndi mu undongese na wu li mu usangula Yisu Kristo, na we bu hu li nzabisili yi Nzambi hamiisa mu lahi la nde li liyobolo, we bu hu li nzabisili yi Nzambi haswehe umata beleve.

Ngalaatiya 1:1

Me Pahuli, wu li ilumbi hya Nzambi, me a handi ilumbi hya Nzambi mu tsolili a baatu, tso mu litondo la muutu ve. Ka me ndi ilumbi mu teelili a Yisu Kristo na Nzambi Taata, wu asuula nde ŋa hati la ba bakwa.

Filiipo 1:1

Pahuli na Timoteho, baviha ba Kristo Yisu. Bisu lili mu usonehele muhanda mowunuwu, huli boosi ba baakangama mu Nzambi, mu itwadi na Kristo Yisu. Bisu lili mu usonehele huli bakuutu ba libundu, na huli bakeelisi ba libundu ba bo boosi, ba bali hu musyenge a Filiipo.

Filiipo 2:11

Na boosi bayaabisa ti: «Yisu Kristo ni Pfumu, mu muyusu a Nzambi Taata.»

1 Tesalonika 2:2

Ka benu liyabi kaka ti bisu laayaka bituhi na laamono pasi hu musyenge a Filipo. Ka Nzambi ahwadisa mana bisu lilongese Musamu a nde wu Mubwe, hutso a mbingisili.

1 Tesalonika 2:8

Bisu laatondo benu mu itesi hi ulongese benu Musamu wu Mubwe wa Nzambi. Litondo moliina laamiivangimasa bisu mu uva kaka muvumu a bisu mwakulu. Benu laaba na talu yi yafulala ŋa busu bwa bisu!

1 Tesalonika 2:9

Baana ba ngu, benu lili mu uyibwala monyi mu mapasi ma bisu na ikolili hya bisu. Ni mbuli bisu laakalongese benu Musamu wu Mubwe wa Nzambi hwavele ukolo. Bisu laakasala nyangu na butsuhu, mu ubweveleva mupfuna huli pasi nde ŋa hati la benu.

1 Timoteho 1:1

Me Pahuli, ndi ilumbi hya Kristo Yisu. Me ndi mu unzabisa we mu tumili a Nzambi Mufuhisi a bisu, na mu tumili a Kristo Yisu wu uli hiitu hya bisu.

1 Timoteho 2:7

Ni mu buuna, Nzambi hasoolo me, mu uba mulongisi na ilumbi huli ba baavele Bayudaayo. Nzambi hasoolo me, mu ulongese bo musamu wu imiinu hya mbuli. Me a ndi mu upfuta ve, ka ndulu imbuli me ndi mu undeele.

2 Timoteho 1:11

Ni mu Musamu wu Mubwe, Nzambi habyalisa me we ilumbi hya nde na mulongisi.

Tiite 1:1

Me Pahuli ndi mu utsonehele we muhanda mowunuwu. Ni me ndi muviha a Nzambi na ilumbi hya Yisu Kristo. Nzambi amiiva me isalu mu ubita baatu ba nde hamiisoolo, mu nzila imiinu. Nzambi amiiva me ka isalu hi uyabisa bo imbuli hi hyafwana, mana bo badyata mu mbiili ya ba baakinza Nzambi.

Yaki 1:1

Me Yaki, musalili a Nzambi na wa Pfumu Yisu Kristo, ndi mu upa bwehe huli bibandu kumi na byole, bi byatsamuha mu matsi moosi.

1 Peetelo 4:17

Tangu yimiito yi tsundusu yi ubandiha. Hati a tsomi, bu umaatsundasa ibandu hya Nzambi. Ka tso tsundusu yibandihi mu bisu baatu ba Nzambi, buni tsukusu yi uba, ŋa tsundusu yi ubwa ŋa yulu a ba bali mu uvelesa hiitu mu Musamu wu Mubwe wa Nzambi?

2 Peetelo 1:1

Ni me Simoni Peetelo, musalili na ilumbi hya Yisu Kristo. Me ndi mu utsonehele huli benu, ba lili na imiinu hya tsongo we hya bisu mu hyese hya Yisu Kristo, Nzambi na Muyobili a bisu.

Yude 1:1

Me Yude, muviha a Yisu Kristo na mwana a ngu a Yaki. Me ndi mu utsonehe muhanda mowunuwu, huli boosi ba Taata Nzambi hateele, ba nde hatondo na ba nde ubaakeelese mu Yisu Kristo.