Filiipo 4:8 - Musamu wu Mubwe

⁸ Baana ba ngu, mu umana, nyaha matsimi ma benu mabaakwilala tangu yoosi mu biina byosi bi bili bya mbuli, bi byahwama, bi byasungama, bi byatsyeme, bi bubaatondo, bi bubaasingasala, bi bibwe na bi byahwama mu muyusu.

Filiipo 4:8 ပူးပေါင်းရင်းမြစ်များ

Luuka 16:15

Yisu aleeli bo: «Benu libaasaha umonehele babaakuha ŋa busu bwa baatu, ka Nzambi yabi mitima mya benu. Mu toni ati bi bili bibibwe ŋa busu bwa baatu, a bili na kaluha ŋa busu bwa Nzambi ve.

Luuka 2:25

Hu musyenge a Yeruselemi hwaba na muutu mumosi, nduhi a nde Simeyoni. Nde aba wu asungama na nga likinzu ŋa busu bwa Nzambi. Nde akakeele muutu wu Nzambi hafwana utsindaha mu uyobolo bisu Isereli, na Livupu la Nzambi laaba ŋa yulu a nde.

Luuka 23:50

Hwaba na bahala limosi, nduhi a nde Yosefi. Nde aba musi bula bu Bayudaayo bwa nduhi Arimate. Bahala moliina aba muutu wu mubwe na wu asungama, na nde akakeele nziili Ipfumu hya Nzambi. Nde aba mumosi ŋa hati la pfuundu banzonzi ba Bayudaayo. Ka nde a hasiingi kesili na ma banzonzi bakima baasiidi ve.

Yowani 7:18

Muutu wu ubaatoyo mu nde mwakulu, ubaasaha ndulu muyusu a nde. Ka pasi nde wu ubaasaha muyusu a nde wuuna wu atsindaha nde, ubaaleele imbuli. A hu li na upfuta mu nde tso hoole ve.

Mavanga 10:22

Bo baafutili: «Mukuutu balwani Korineye, miitsindaha bisu huli we. Nde li muutu wu asungama na wu ubaakinza Nzambi. Ni nde wuna, wu Bayudaayo boosi bubaasilasa mbiili. Pofi a Nzambi ayamonehele na nde, na uleele nde atsiha we hu nzo a nde. Muutu mowuna na nzala uyuha mambu ma we uyaabisa nde.»

Mavanga 22:12

«Hwaba huuna, na muutu mumosi nduhi Ananya, muutu wu akinza Nzambi na wu ubaaduukala mikele mya bisu. Nde wuna wu Bayudaayo boosi ba musyenge a Damaseko, bubaatila imbangi hi ibwe.

Mavanga 6:3

Ni mu buuna, baana ba ngu, soolowani ŋa hati la benu, babahala tsambu ba bu utiila imbangi hi ibwe, ba baaluula mu Livupu la Ngidi na mu tsiki. Na bisu a benu livani bo isalu mohinihi.

Looma 13:13

Lidyataani mu mbiili yi yasungama, we bu hwafwana mu udyata ŋa nyangu. Linyahaani mikuungi mi udya, malaangi, bumbembo tso mbiili yimbi, mitsotso tso nyengi.

Looma 13:3

Bunuubu, ba bali mu uvanga ma mabwe, utwala ubata boomo bu banzonzi ve, ka ni ba bali mu uvanga mamabi. Ka tso we a tondi uba na boomo bu batumi ve, buuna vanga ma mabwe. Lituma sa lisilasa we.

Looma 14:18

Ni buuna, woosi wu ubaasalila Kristo mu biteesi mobiina, li wu mubwe ŋa busu bwa Nzambi, na baatu bubaasilasa nde.

Looma 2:29

Ka Muyudaayo wa mbuli ni wu li wa mu tswehi, wu baakete hutso mutima, mu ketili yi Livupu la Nzambi, kini a yi baasonehe mu Mikele ve. Muyudaayo wa mbuli, ni nde wuuna wu ubaayaka muyusu wu ubaamata huli Nzambi, ka a huli baatu ve.

Ngalaatiya 5:22

Ka mimbutu mi Livupu ni litondo, kinya, hyenze, taasili a bana, mutima wu mubwe, kangimini,

Filiipo 3:1

Na bunuubu, baana ba ngu a me, baani na kinya bu benu lili itwadi mu Pfumu. Ka huli me, me a handi mu umono budwa, mu ubweyabisa benu mambu ma me atsonihili benu ve. Na huli benu, mandongi momaana, mu ukandiha benu.

1 Tesalonika 4:12

Buuna, ba baavele ba Kristo buuyusa mbiili a benu, na benu a libaakwamisa bana mu pasi dyambu li limiitala benu.

1 Timoteho 2:2

Sambila mu toni bapfumu, na mu toni a boosi ba bali na lituma. Sambila mu bo, mana bisu a benu liba na idiingu hya hyenze hyosi hutso a mbiili yi yafwana. Ni mu mbiili a bisu a benu, lu umwese ti bisu a benu baatu ba likinzu ŋa busu bwa Nzambi.

1 Timoteho 3:11

Bakadi ba bakeelisi ba libundu kaka ni bumosi, baafwana uba na likinzu, babaavele na makusa, babaakuta linyutu. Ka baba ba baasungama mu mambu moosi.

1 Timoteho 3:4

Mutumi libundu, afwana utuma nzo a nde mwakulu bubwe-bubwe. Baana ba nde bafwana usiingala nde na likinzu loosi.

1 Timoteho 4:12

Muutu tso mumosi a hapenye bufudu bwa we ve. Ka hwada mu uba ifwani huli banga imiinu mu mikuma mya we, mu mbiili a we, mu litondo, mu imiinu na mu tsyemili mutima a we.

1 Timoteho 5:10

Baafwana utiila nde imbangi mu mavanga mamabwe, bu nde habuhisi baana ba nde, bu hakayaka baatu bubwe. Bafwana utiila nde imbangi kaka, bu hakaswaha miilu mya baatu bangidi, bu hakakumbasa banga pumbu, na bu haba hakangama mu mavanga moosi mamabwe.

1 Timoteho 5:2

Longese bakaasu ba baakula we bangu ba we, na banumba we bibusi bya we, mu mutima wu atsyeme.

Tiite 1:8

Ka nde afwana uba muyaki a byenyi, buuna ni bubwe. Nde afwana utondo mavanga mamabwe, muutu nga tsiki, wu asungama, wa ngidi, wu ayaba ukuka linyutu la nde.

Tiite 2:14

Nde ayehuli nyutu a nde, mu unyahula mamabi ma bisu moosi. Eye, nde anyahuli mamabi ma bisu, mana nde akitula bisu ibandu hya nde hi hyatsyeme, hi hili na lehemene mu ukuhasa mavanga mamabwe.

Tiite 2:2

Leele huli babahala ba baakula, baba na mbiili yi yasungama na yi butsitu. Bo baafwana uba na tsiki, babaahwada mu imiinu, na mu litondo, na mu mukami.

Tiite 2:7

We mwakulu Tiite, afwana umwese mbiili yimbwe, mana baatu badukala ifwani hya we. Ndongisili a we, yafwana uba ya mbuli na yi likinzu.

Tiite 3:14

Baatu ba bisu ka bafwana uhwada mu uva linyutu mu uvanga mamabwe, mana bo bakumbasa ba bali na nzala likumbasa. Bo bavanga buuna, bo sa baba na tsongo.

Yaki 1:27

Inzambi hi hyatsyeme na hi hyavele na tsumiili, ŋa busu bwa wu li Nzambi na Taata, ni mu ubaakumbasa bitsana na bakwili mutso minyongi mya bo. Inzambi hi hyatsyeme, ni mu uvelesumaha mu mambu mamabi ma tsi moyiniyi.

Yaki 3:17

Ka muutu nga a dyele li libaamata hu yulu, ateehele na mutima wu atsyeme. Titswene, nde atondo isuusi, kulimini na nzuhili. Muutu mowuuna na kwili lingebe, na upalisa mbutu yimbwe. Nde a hubaasa burandu ve, na nde a hali kaka na muwala ve.

1 Peetelo 1:22

Benu limiitsyeme bu benu limiisiingala imbuli, limiitondosono hwavele muwala. Ni mu buuna, tondosonwani mu mifudi na mu mutima mumosi.

1 Peetelo 2:12

Baani na mbiili yimbwe ŋa hati li bangoyi. Tso bo bakesi benu ti benu bavangi ba mamabi, bo sa bamono mbiili a benu yimbwe. Na bo sa bayusa Nzambi ilumbu hi nde hu uyamonehele.

1 Peetelo 4:8

Hati a tsomi, baatondosonwani mu mifudi, mu toni ati, litondo libaafuha masumu mamalahi.

2 Peetelo 3:1

Bambaahi ba litondo, wunuwu ka ni muhanda wa myole wu me ndi mu utsonehele benu. Hutso mihanda mimyole, me ndi mu unzibwala benu ndongisili yi benu laayaki, mu usaha uyelese nzabiili a benu yi misamu.

1 Yowani 3:18

Baana ba me, a libaani na litondo ndulu li bibodu na bileedi bibibwe ve. Ka mwesaani litondo la mbuli li libaamonehele mu mavanga.

1 Yowani 3:3

Woosi wu li mu usa hiitu mu nde, li mu ukituha wu atsyeme we bu Kristo nde mwakulu ali wu atsyeme.

1 Yowani 4:1

Bambahi ba litondo, a lisiingala pasi livupu ve. Baatsikahani mavupu, mana benu liyaba ki livupu lili mu umata huli Nzambi. Mu toni ati, mimbihuli mi mapfuta mimilahi myamiitsamuha mu tsi.