Filiipo 4:19 - Musamu wu Mubwe

¹⁹ Na Nzambi a me uluusa benu mu biina byosi bi benu laavele na byo, we bu hu li busina bu muyusu a nde, mu Kristo Yisu.

Filiipo 4:19 ပူးပေါင်းရင်းမြစ်များ

Yowani 20:17

Yisu aleeli nde: «A habembe me! Mu toni ati me kini a hapaata huli Taata a me ve. Ka yene huli baana ba ngu a me, na leele bo ti, “Me aka mu ukumasa huli Taata a me, wu li kaka Taata a benu. Me aka mu ukumasa huli Nzambi a me, wu li kaka Nzambi a benu.”»

Yowani 20:27

Titswene, nde aleeli Tomasi: «Suusa mulembo a we ŋaniŋa na mono makaka ma me. Yasusaha na suusa kaka la we mu libanzi la me. Maasa paha na ba muutu nga imiinu!»

Looma 1:8

Hati a tsomi, me tondi ufutala matondo huli Nzambi mu benu boosi, mu nduhi a Yisu Kristo. Mu toni ati, bali mu utoyo mu imiinu hya benu mu toto yoosi.

Looma 11:33

Ki pila bunene bu busina bwa Nzambi! Ki pila idongi hili mu nzabili na buyedi bwa nde! Na utwala ubindula maakesili ma nde? Na utwala utsikaha makani ma nde?

Looma 2:4

Buve, we bubwe bu bunene bwa Nzambi ubaapenye, mu mukami a nde na bunene bu mutima a nde? We a hayabi ve ti bubwe bwa Nzambi buli mu ubita we hu usobo mbiili?

Looma 8:18

Me ndi mu utsima ti, utwala uyelemese mapasi ma tangu moyiniiyi na muyusu a hu busu, wu Nzambi humwese bisu pa yalala ve.

Looma 9:23

Eye, we lima ubweleele, tso Nzambi asiidi buuna, mu umwese busina bu muyusu a nde huli bitehili bi nde hakwili lingebe. Bitehili bi nde hatswamini uvangimasa mu toni muyusu a nde.

Filiipo 4:7

Na hyenze hya Nzambi, hi hyalutala buyedi bwosi, hyukeelese mitima mya benu na matsimi ma benu mu Kristo Yisu.

1 Tesalonika 2:12

Bisu laahwadisi benu, laabombisili benu na laayelisi benu mu ubaaba na mbiili yi yafwana ŋa busu bwa Nzambi. Nde wu li mu uteele benu mu ukoto mu ipfumu hya nde na mu muyusu a nde.

1 Timoteho 6:17

Leele huli banga busina ba tsi moyiniyi, baveleba na isayi. Leele bo bavelesa hiitu hya bo mu busina bu bubaadimbala, mu toni ati, bwo a buudinga ve. Ka nyaha babaasa hiitu hya bo mu Nzambi, wu ubaava bisu byosi bi byafulala, mana bisu liba mu kinya.

Filemoni 1:4

Filemoni, me ndi mu upfutala matondo tangu yoosi huli Nzambi, na ubaasambila mu we.

1 Peetelo 5:1

Bunuubu, me ndi mu ukwadisa bakuutu ba libundu ba bali ŋa hati la benu. Me kaka wu ndi mukuutu libundu we bo. Me ndi mbangi mapasi ma Kristo hamoni, na me tsambaha kaka kabu mu muyusu wu uya. Me ndi mu upondo bo mambu momanima:

1 Peetelo 5:10

Benu sa libwemono pasi mwana a tangu hoole. Ka Nzambi wu ubaamwese hyese hya nde hyosi, amiiteele benu mu ukoto hutso muyusu a nde wu bilima na bilima, mu itwadi hya na Yisu Kristo. Nde mwakulu sa atelemese benu, nde sa ahwadisa benu, sa ava benu mifudi, nde sa asusa benu ŋa yulu ibeene hi hyavangama.