Filiipo 4:17 - Musamu wu Mubwe

¹⁷ Me a handi mu undeele buuna, mu ubwesaha uyaka bungodu ve. Hi me ndi mu utsaha ni ti, Nzambi asyeme benu mu bungodu bwa benu.

Filiipo 4:17 ပူးပေါင်းရင်းမြစ်များ

Yowani 15:16

A benu laasoolo me ve, ka me ni wu asoolo benu. Me miipa benu tumili moyiniyi: yenaani, butaani mbutu yi yukwilala. Buuna, pasi hi benu luuvondo huli Taata mu nduhi a me, nde sa ava benu hyo.

Yowani 15:8

Ŋa benu luubuta mbutu yindahi, na ŋa benu luumonehele bayihi ba me, ni ŋaana muyusu a Taata a me humonehele.»

Looma 15:28

Ŋa me umana isalu mohiina, na ŋa me upa bo pahu moyiina, me tsa nzyene hu Esipanye na me tsa pyohele huli benu.

Filiipo 1:11

Benu luuba bisina bi mimbutu mi mavanga mamabwe mu Yisu Kristo, mana baatu boosi bava muyusu huli Nzambi.

Filiipo 4:11

Me a handi mu undeele buuna mu toni manzala ma me ve. Mu mbuli, ka mu toni ati, me amiinziha uba mu kinya, tso mu hoole hu me ndi na hwo.

1 Tesalonika 2:5

Benu layaaba lo bubwe, bisu a libaasalila lipedi tso hoole ve. Bisu kaka a lili mu uswehe manzala ma mapfuta humbisa a ma bisu lili mu uleele ve. Nzambi nde mwakulu li mbangi a bisu.

1 Timoteho 3:3

Mutumi libundu utwala uba ikolo-mbungu ve. Nde utwala uba nga ngaabi ve, ka nde afwana uba nga bulembo. Nde utwala uba nga a bisongi ve, tso wu avelekebele mbongo mu diisu.

1 Timoteho 6:10

Ka nzuki a mbongo, ni nzila a bisiha byosi bibibi. Mwana a kabu la baatu mu nzuki a mbongo, baatahuhi na imiinu hya bo, na baakwamisi linyutu la bo mwakulu.

Tiite 1:7

Pasi mukuutu libundu, ahwama na mupfuna a mambu ma Nzambi. Nde afwana ubaaba muutu wu avele na masyembo. Nde utwala uba nga isaayi tso nga makesi ve. Nde utwala uba ikolo-mbungu, tso nga bisongi, tso nga ngaabi.

Tiite 3:14

Baatu ba bisu ka bafwana uhwada mu uva linyutu mu uvanga mamabwe, mana bo bakumbasa ba bali na nzala likumbasa. Bo bavanga buuna, bo sa baba na tsongo.

1 Peetelo 5:2

Baakelesaani konge mameme yi Nzambi hava benu we bakeedi. Bakelesaani yo, a hwati mu kwamisa ve, ka mu mutima wu ayaluha, we bu hu li litondo la Nzambi. Baasaani buuna hwavele a nzala a kaluha, ka mu toni lisiingala.

2 Peetelo 2:15

Bu bo baasiisi nzila yi yasungama, bo baadungi, na baaduukili nzila a Balaami, mwana a Bosoli. Nde wu atondi mbongo yi baaviidi nde mu usa bubi.

2 Peetelo 2:3

Mu toni linyungi la mbongo, bo sa basoho benu mu bitoyili bya bo bi mapfuta. Ka tsundusu a bo, umata beleve, yamiitswiha. Na ndungili yili mu ukete bo.

Yude 1:11

Lingebe huli bo! Mu tonyi ati, bo baasumihi we musumihi Kayini. Bo baadungi mu tonyi a lingi la mbongo, we bu mumbihuli Balaami hasiidi. Bo baakwidi mu tonyi ati, bo baatumbihi we bu Kore hasiidi.